استحالة أقدر اجمع تكاليفها ولو بعد 100 سنة ..والعقد كمان استحالة ابيعه دلوقتي …. الشرطة مش هتعدي الموضوع بالبساطة دي … روّحت الليلة دي وأنا مقررة إني هرد على الرسايل بالكلام ده ….. مش هو قالي اتمني وأنا أنفذ ….. أنا بقا هتمنى وأشوف. …. وأول لما وصلت دخلت الأودة وقفلت الباب عليّ…. مسكت الفون واستنيت الرسالة اللي بتيجي لي من رقم خاص ….ياترا ليه بتتبعت من رقم خاص … ليه خايف يعرفني رقمه هما العفاريت بيخافوا … إيه اللي أنا بقوله ده كمان… هما العفاريت أصلا معاهم تليفونات وف ثواني وصلت الرسالة المتوقعة …. رسالة مكتوب فيها : …. وحشتيني مش عارفة ليه فرحت … أنا عارفة إنه هبل مني بس ده كان احساسي وقتها … أول مرة أصلا حد يهتم بيّ ويشيل همي … أنا دايما اللي بشيل الهموم والمصايب كلها كتبت له : ….. شكرا د وكتب لي : …… حلوة شكرا برضه مش وحشة ..قوليلي بقا يا ستي عايزة تعملي عملية باباكِ امتى اتصدمت للحظات… بس بيني وبين نفسي قلت عادي يا بت ماتخافيش ده عفريت … يعني يقدر يعرف كل حاجة …. كتبت له : …. ف أسرع وقت وبجد هكون ممتنة ليك جدا كتب لي : …… بس ف حاجة مهمة لازم تعرفيها .. أنا مش عفريت يا شهد اترعبت أوي من كلمته …. هو لو مش عفريت هيكون إيه. .. شيطان … كتبت له : …. اومال أنت إيه. .. وازاي بتقدر تعرف بسهولة كل اللي بفكر فيه كتب وقال : …. الكلام ده ما ينفعش يتقال ف رسالة .. إيه رأيك نتقابل بكرة
