رواية إعادة تأهيل

كمال حط ايده على كتف أيمن و قال:-

مين الشيخ ؟

أيمن lټړعش من جواه و قال:-

أبو العيال اللي كانوا بيتخانقوا و جوز فتحية

فتحية و هي ماشية:-

متصدقهوش يا كمال دا انا هرفع عليه قضية خُلع يخويا

كمال :- اتكلي انتي على الله يا ست فتحية و أنا هشوف الاشباح دول عاوزين اية ؟

صلاح:- و أنت مين بقي يا عم الجامد يا اللي عمال تتامر و تقول فض الليله كان حد طلب إنك تدخل

نوح ابتسم و قال:-

أعرفك بنفسي نوح التوبي

و ضر.به بوكس في وشة و هو بيقول:-

أنا الكنج إحفظ إسم الكنج كويس عشان هتسمعه كتير من هنا و رايح

و على صوته و هو بيقول:-

كمال تمم الموضوع و كل حشرة تتربي عشان ميبقاش الكنج واقف و هما ماسكين في بعض و بيقلوا اديهم

نوال :- أنت هتعمل ايه في ابني يا جدع أنت أنت مالك أصلا بتدخل لية في حاجة متخصكاش

نوح رفع حاجبة و قال:-

الموضوع اللي الكنج يتكلم فيه كله يبقي يخصه مفهوم

و حط ايده على رأسه و قال:-

سلام يا حُصالة المجتمع

كمال أخد صلاح و أيمن و هو بيقول:-

هتمشوا معايا بالزوق وإلا نستخدم العـ ـنف و نبعت نجيب حرس الكنج

أيمن:- و على اية كل دا هو أنا قولت حاجة وإلا عملت حاجة أنا يا بشا واحد نايم في أمان الله لقيت حد پېخپط عليا و يقول مراتك بتتخانق قولت أنزل أشوف فيه اية لو انت مكاني مش كُنت هتنزل ؟

كمال بابتسامه باردة:-

لا منمتش هنزل و يلا عشان أنا خُلفي ضيق و أنت بتضيقه اكتر

و مسك صلاح و نوح كل واحد بإيد من هدومة من ورا و قال:-

يلا يا حبايب هارتي دا انتوا هتتبسطوا في مصنع الكنج أوي

كمال اخدهم و مشي و نوال رقعت بالصوت في الشارع عشان حد يلحقهم لكن محدش اتدخل و واحد من اللي واقفين قال:-

أحسن خليه يتربي شوية مش كل يوم هيتبلي على بنات الناس

تمارة ماشية متعصبة من اللي حصل و ورد جريت وراها حضنتها من ظهرها و هي بتقول:-

عدت و كل حاجة هتعدي يا تيمو و مفيش حد صدق كلمة من اللي اتقالت انتي قوية محدش يقدر على تمارة

تمارة بصت ليها و دموعها نزلت و قالت:-

لا أنا مش قوية يا ورد أنا أضعف من ما تتخيلي أنا بستقوي بـ أخواتي مبحبش حد يدوس ليهم على طرف انسفه وقتها

اتهدت بشهقة و قالت:-

تعبت أكون قوية نفس حد يشوفني من جوه أنا سني ميستحملش كل الضغوطات دي لكن أنا استحملت و مشيت و كملت ليه بقي عاوزين يكسرونا ليه يا ورد ؟

ورد :- بسمھ الله الرحمن الرحيم

” لا يكلف الله نفسا إلا وسعها لها ما كسبت و عليها ما اكتسبت”

ربنا عارف إنك هتقدري على كل دا و عارف إنك قوية و جامدة يا تيمو عشان كدا بيختبرك و أكيد شايل ليكي حاجة حلوة أوي

تمارة بصت ليها و حضنتها و قالت:-

بإذن الله يا ورد و أنا صابرة لحد ما ربنا يجبر بخاطري و يعوضني خير شكراً يا ورد لانك ڈم ..ا معايا

ورد خبطتها على كتفها و قالت:-

بس يا عبيطة انتي أختي وإلا انتي مش بتعتبريني أختك

تمارة:- أنا يا ورد دا كل الناس تقولي انتوا تلت بنات اقولهم لا أربعة

فتحية أخدت البنات و روحت البيت و جوري عمالة ټعيط  و تقول:-

 

و إحنا هنخلص امتي من كل دا أنا تعبت أوي يا ماما