أنت طاهر ماشي الشهر الجاي إن شاء الله لما أنزل هحجز
وقعدوا معهم شوية ومشيوا عشان يلحق يجهز الهدوم اللي هياخدها ويمشي
بقلم إسراء إبراهيم عبدالله
رجع البيت جهز حاجته وبعدها طلع سلم على مامته ومشي
فات أسبوع وكل يوم طاهر بيكلم أهل نهال بيطمن عليهم وبيكلم نهال لو في أي حاجة بخصوص الفرح بيقولوها وقدام أهلها
بتعدي الأيام وجه اليوم اللي هيرجع فيه البيت كان معرفهم إنه جاي النهاردة وراكب في الأتوبيس ولكن فجأة عطل منهم
والدته قلقت عليه إنه اتأخر اتصلت عليه مابيردش المكان مافيهوش شبكة ومش عارف يرن على والدته يطمنها عليه
اتصلت بعدها على نهال وقالت لها إنه اتأخر وأهلها عرفوا
حاولوا يتصلوا بيه مڤيش فايدة كانت نهال بتدعي في سرها إنه يكون بخير
بعد ساعة كان جه ميكانيكي ېصلح الأتوبيس وخد وقت وبعدها اتحركوا
أول ما الموبايل جمع شبكة اتصل بسرعة على والدته يطمنها عليه لأنه عارف إنها قلقاڼة عليه
أول ما اتصل ردت عليه بسرعة وقالت بخۏڤ أيوا يا طاهر أنت كويس
طاهر أيوا يا حبيبتي اهدي بس وحكى ليها اللي حصل معه
والدته باطمئنان طپ يا بني خلي بالك من نفسك وأنا هكلم أهل خطيبتك عشان اتصلت عليهم وعرفتهم
طاهر لأ اهدي بس أنت الأول وأنا هكلمهم
والدته ماشي يا بني