“بارك الله لكما وبارك عليكما وجمع بينكما في خير “
قالها المأذون من هنا وتوالت المباركات من حوليا من هنا
كنت قاعده ببص حوليا وانا مش فاهمه حاجه
مش قادره استوعب اني اتجوزت
ومن مين ؟!
من أكتر شخص مكنتش بحبه وانا صغيره
بتجوز في ظروف غريبه وقصه غير مناسبه أو غير مشابهه لقصه الحب الاسطوريه اللي بحلم بيها طول الوقت
كنت حاسه اني في حلم مش علي هوايا علي الاطلاق !
حلم مُمل بشكل ميتوصفش
جوازي من شخص مش علي مقاس قلبي فكره مكنتش اقدر اتخيلها أو اتقبلها في يوم
لكن اوقات الظروف بتحكم علي الشخص أنه ياخد قرار منطقي نابع من عقله ويلغي اي مشاعر نابعه من قلبه