اما ليلي عملت زى ما احلام فهمتها بالظبط ورجعت بيها شيلاها ع ايدها
عدت الطريق وهي بتعيط ان فريحه رجعت لأحلام من تانى
احلام في نفسها بنظره انتصار ( حلو اوى، انا لازم اكلم عدنان حالا، يجى ياخد البت دي من هنا )
” دخلت الكمبوند ووراها ليلي”
في مكان ما، منار ركنت العربيه قدام صيدليه مشبوهه ” مشهوره ببيع العقاقير المخدر”ة ”
مسكت الفون واتصلت ب مجهول
الو..
مجهول: الو..مين؟
منار بتوتر: انا تبع مدام لولو اللي كلمت حضرتك من شوية
مجهول: ايوه.. ايوه.. اهلا بيكي ي فندم، اؤمريني
منار: ي تري طلبي جاهز ي استاذ اا
رد وقال: حسين ي مدام
منار: طلبي جاهز ي حسين
حسين ” طلع كيس من جيبه”
( جاهز ي مدام)
منار: طيب انا واقفه برة قدام الصيدليه
حسين: ثوانى وهكون قصادك
” قفل معاها وخرج يجرى ع بره الصيدليه”
منار اول لما لمحته ” قرب منها، مدت ايدها من الشباك بالفلوس، سلمته واستلمت منه كيس بلاستيك صغير”
حسين بابتسامه عريضه ” بيغمز”
( تحت امر في وقت)
منار ” قفلت الشباك وطلعت ع الڤيلا، كانت بتسوق ع أقصي سرعه”
ولما وصلت ركنت في الجراچ
” قبل ما تدخل الڤيلا مسكت الفون تكلم أحمد، كنسل عليها ”
” دخلت جري وقابلت في وشها تحيه، خبطتها”
منار بصدم#مه
( مين تحيه)
تحيه بدموع
( ازيك ي ست سهر وحشتيني)
منار
( اي اللي رجعك تاني)
تحيه باحراج وكسره
( الحوجه ي ستي، ربنا ما يكتبها عليكي)
منار ” زقتها بإيدها ”
( وسعي طيب كده ودخلت المطبخ )
وفي نفسها ( مكانش وقتك خالص)
” تحيه دخلت وراها ”
( تأمريني بحاجه ي ست سهر)
منار بضحكه مصطنعه ” بصتلها”
( لا، اطلعي انتى دلوقتي)
تحيه
( حاضر ي ستي) ” قربت منها وهى بتبص حواليها”
وبوشوشه ( كنت عاوزه أسألك ع حاجه)
منار بتجاهل ” بتشاور بإيدها ع بره المطبخ”
( اطلعي دلوقتى ي تحيه، ممكن)
خرجت تحيه من المطبخ ” منار بتشب ع بره وبتتأكد انها خرجت”
وفي نفسها ( انا لازم اخلص الموضوع ده النهارده)
فتحت التلاجه وطلعت عصير بعد ما حضرت عشا خفيف ” طلعت من الكيس حبيتين وحطتهم في العصير”
وفي نفسها ( معلش ي أحمد مضطره اعمل كده)
—
__في نفس الوقت اللي احمد كان وصل من بره
وعرف ان تحيه رجعت الشغل، طلع ع اوضته ودخل الحمام….
منار بابتسامه خباثه لمعتزه ورقيه ” خارجه من المطبخ شايله صينيه العشا وطلعت ع اوضتها ”
روقيه لمعتزه
( عقربه وشايفه حالها)
معتزه بنفخ
( اعملي زيها وريحي نفسك)
روقيه بغيظ
( طيب ي حبيبتى) وفي نفسها
( انتى بقي حسابك ع جنب انتي وجوزك ي قتالين القتلا، كل الحكايه مسأله وقت مش اكتر)
” طبعا هي بتتكلم ع اساس خاتم كريم وفي نفس الوقت جهاز التسجيل اللي في الاوضه”
معتزه
( بتقولي حاجة)
روقيه
( لا لا)” قامت من جمبها وطلعت اوضتها”
في الكمبوند…
” ليلي قاعده بتحط كريم ل فريحه ع وشها”
ليلي ل فريحه
( انتي كويسه)
( ممكن تردي عليا)
فريحه
( هو انتي مين)
ليلي
( انا ليلي انتي مش عارفانى)
فريحه
( انا جعانه)
ليلي في نفسها ( البنت واضح انها فقدت الذاكره من الخبطة)
وسمعت احلام بتكلم عدنان فون
( هستناك بكره الصبح، تيجى وتاخد البنت اوك)
ليلي
( يا نهار اسود البنت كده هضيع)
في الڤيلا ( غرفه منار واحمد)
منار ” حطت الصينيه الترابيزه”
احمد ” خارج من الحمام ولافف البشكير ع نصه التحتاني”
منار ” جريت عليه وحضنته”
( انت جيت امتى)
احمد
( من شوية وسألت عليكي قالوا فالمطبخ)
منار ” باسته”
( كنت بحضر لك احلى عشا)
الفون رن ” مسكته وبصت لرقم كان غريب، مردتش”
احمد
( مين)
منار
( معرفش)
” فتحت الدولاب طلعت منه قميص نوم ”
( انا هدخل الحمام دقيقه وارجعلك ي حبيبي)
الفون رن ” بصت فيه كان نفس الرقم، خدته ودخلت بيه الحمام، رددت بسرعه ”
الو..
مجهوله.. الو ي منار
منار بذهول.. مين
مجهوله.. اي نسيتي صوتي ولا فكرانى مoت
ما انا قولتلك انى عايشة
منار: مين
مجهوله.. انا سهر
منار سندت ع الحيطه وبزعيق.. انتي عاوزه منى اي..
سهر.. عاوزه بنتي وبيتي وجوزى
منار.. اه.. انتي بتحلمي
سهر بتوعد.. هوريكي العذاب الوان
منار بغضب.. عارفه انا هموتك واشرب من دمك بس اعرف طريقك
سهر بضحكه سخرية.. لا هتقدري تموتينى ولا تاخدي بيتى ولا حضن جوزى، مش هطوليه طول ما انا عايشه
منار بصراخ.. هموتك،هموتك هموتك
الباب اتفتح عليها
احمد بخضه
( في اي)
” الفون وقع من ايدها”
بارتباك وتوتر
( مفيش)
احم