رواية للحب طرق اخري الفصل الثاني 2 بقلم شيماء سعيد

شروق ..يعنى ايه مش هتقدر تنزل الحمل ده يا دكتور بعد ما فهمتك ظروفى وانى أرملة ، فهواجه الناس بالمصيبة دى إزاى ؟
دى كارثـة وساعتها ممكن أبويا ولا أخويا يدفونونى بالحيا عشان يتخلصوا من عارى .

وانا مظلومة وربنا عالم ، انى بريئة وعمرى ما وقعت فى الغلط وصاينة نفسى ، بس أقسم بالله معرفش جه إزاى ؟

الدكتور :عارف بس دى جرmمة مقدرش أعملها ومتحوليش كمان تعمليها عند حد تانى لإنك كده مش بتموتى روح وبس ، أنتِ كمان ممكن تتأثرى لإن الواضح قدامى أن صحتك ضعيفة واى نزيف بعد الإجهاض هيعرض حياتك للخطر .
يعنى كده مش بتقتلى نفس وحدة بس ، هتقتلى نفسك معاه كمان .
خافت شروق وحطت ايديها على بطنها وقالت ..والعمل يا دكتور ، انا كده فى وضع ربنا عالم بيه .
الدكتور : زى مقولتلك مفيش حاجة قدامى ، غير انك تعرفى مين هو اب الجنين ده ، ويمكن لما تعرفيه تقدروا تلموا الموضوع وتجوزوا قدام الناس ويجى المولود بصفة شرعية كأنه ابن سبع شهور عادى .
ضربت شروق على صدرها وقالت ..اتجوز ، يستحيل بعد المرحوم ده كان روحى ، ورفضت كتير عشان أعيش على ذكراه ويكون جوزى فى الأخرة .
الدكتور ..مهو مفيش حل غير كده ، بس تعرفى الأول هو مين .
ولغاية ما تعرفى مفيش داعى تحكى مع حد خالص فى الموضوع وكده كده قدامك وقت كبير عقبال ما بطنك تظهر فمتقلقيش.
فبصيت للدكتور بذهول وطلعت من غير ما أتكلم لأن مهما قولت مش هيحس بالنار اللى جوايا ، انا أخرى عنده حالة بتابع وخلاص وعارفة انى بمجرد ما أمشى هينسانى.
فالمصببة مصيبتى انا وانا برده اللى لازم أتصرف .
ساعتها روحت على بيتى وجريت على سريرى وبكيت بدل الدموع دـm واقول ازاى ده وامتى وانا عمرى ما عرفت راجل غير جوزى الله يرحمه .