– وانا كمان
…….
تاني يوم صحينا من النوم
-يالا يا بت حضريلنا الفطار
شديته من السرير وقولت:
-نعم يا اخويا انت هتعيشلي في دور سيد السيد من اولها لا يا حبيبي فوق وتعالي ساعدني انا عروسة ولازم اتدلع شوية
ضحك وهو جاي ورايا …فجأة جرس الباب رن …بصيتله بحيرة وقولت
-من ده اللي جاي في الوقت ده
هز رأسه وقال:
-معرفش مين ده …مين اللي معندوش دـm اللي جاي لاتنين عرسان دلوقتي؟!!
وراح فتح الباب
-صباحية مباركة يا عريس
قالتها واحدة حلوة وباست خده
تجمد في مكانه وهو مصدوم
دخلت الشقة وهي بتتأمل فيها …فجأة بصتلي وابتسمت …عينيها الخضرا لمعت وقربت مني ومدت ايديها:
-هاي انا شاهيناز صفوت ممكن تقوليلي يا شاهي
-شاهي امشي دلوقتي
قالها اياد وهو متوتر
-انتي مين
– هو اياد مقالكيش
-شاهي قولتلك امشي…
ابتسمت بخبث وقالت:
– انا يا حبيبتي مرات اياد الاولي وانتي تبقي ضرتي!!!!