وضع مازن يده علي كتف عمر وتحدث معه
مازن/ عمر ماينفعش الا انت بتعمله في نفسك ده انت واقف كدا بقالك يومين لا بتاكل ولا بتشرب
عمر بضعف/ سبني يا مازن انا زعلتها كتير اوي وتعبتها اكتر مع انها معملتش حاجه تأذيني اتجوزت وده حقها انا ماكنش لازم اقسي عليه كدا
مازن/ ان شاءالله هتفوق وتقوم بالسلامه ماتقلقش
عمر/ يارب يامازن يارب
في مكان مھجور
……./ تمام وادي المبلغ الا اتفقنا عليه
شخصًا أخر/ بس انا عايز ضعف المبلغ
……./ احنا اتفقنا علي المبلغ ده ومتنساش ان انت ماعملتش الا اتفقنا عليه وكرولين لسه عايشه
شخصًا أخر / انا عملت الا عليا وقطعت فرامل عربيتها وكمان وصيت العربية الا هتخبطها مش ذنبي بقا انها زي القطط بسبع ترواح
……./ خلاص المهم تحاول تختفي مش عايز يبان لك اسر فاهم
شخصًا أخر/ فاهم
في منزل والد هنا يجلس هو وزوجته يتحدثون
سمر/ بس مش المفروض تكلم بنتك تطمن عليها
والد هنا/ انا مش عايز ازعجهم وهما في شهر العسل
سمر/ عسل😏 ماهما اكيد مش مشغولين طول الوقت يعني وانت لازم تكلمها تطمن عليها
والد هنا / عندك حق انا هكلمها دلوقتي
قام والد هنا بالأتصال بها
والد هنا/ الو
هنا/ الو ازي حضرتك يا بابا
والد هنا/ ازيك انتي ياحبيبة بابا عامله ايه
هنا/ الحمدلله يابابا تمام المهم حضرتك عامل ايه كويس
والد هنا/ الحمدلله ياحبيبتي قوليلي جوزك كويس عامل ايه معاكي
هنا/ الحمدلله يابابا كويس
والد هنا/ طب هو جنبك عايز اكلمه اسلم عليه
هنا بتوتر/ لاء عمر مش هنا اصل اصل والدته عملت حاډثة واضطر يسافر من يومين
والد هنا/ حاډثة ايه خير وليه ماكلمتنيش ياحبيبتي تعرفيني
هنا/ معلش يابابا ماحبتش اقلقك وهي دلوقتي الحمدلله عدت مرحلة الخطړ
والد هنا/ طب وانتي ماسفرتيش مع جوزك ليه ياحبيبتي واجب تقفي جنبه في الظرف ده
هنا/ حضرتك عارف يابابا اني معنديش باسبور وعشان اعمل واحد ده محتاج وقت
زالد هنا/ وانتي فين دلوقتي ياحبيبتي
هنا/ انا عند دينا صحبتي لأني مش عايزه اقعد في الشقه لوحدي
والد هنا/ ماشي ياحبيبتي ولو حبه تيجي تقعدي في بيتك هنا البيت مفتوح ليكي في اي وقت انا عايزك تنسي الا فات وتعرفي ان ده بيتك انتي فهماني
هنا/ ربنا يخليك ليا يا بابا ومتحرمش منك
والد هنا/ويخليكي ليا ياحبيبتي ولو احتاجتي اي حاجه كلميني
هنا/ حاضر يابابا مع السلامه
تحدثت سمر بعد ان اغلق زوجها الهاتف
سمر/ حاډثة ايه هي ام جوزها عملت حادثه فعلا
والد هنا بحزن / ايوا
سمر/ دي هنا دي طلعت نحس اوي
والد هنا بصوت مرتفع/ سمر خلي بالك علي كلامك انتي بتتكلمي عن بنتي وبعدين الا حصل ده قضاء وقدر
سمر/ انا قولت حاجه انا هقوم احضر العشا احسن
والد هنا/ يكون احسن