رحيم.. مش انتي لوحدك لزعلتيها انا كمان كنت قاسي معاها
وهنا
ادهم وقف دا المكان اللي السواق قال عليه
نزلوا التلاته من العربيه وبداو يدوروا عليها ورحيم يسأل المحلات والكافيهات…ويوريهم صورتها في البطاقه لكن مافيش امل وبدأو ييأسوا انهم يلاقيها وخوفهم كبر ان يكون حصلها حاجه ومش عارفين يوصلولها
ركبوا العربيه.. ورحيم قبل مايركب دخل سوبر ماركت يشتري مايه وورا البطاقه لبائع فيه هنا ركز
.. البائع.. ايوه انا شوفتها امبارح كانت تعبانه وعاوزه ترتاح علي الكرسي شويه دخلت اجبلها حاجه من المحل تكلها لانها كانت شكلها يصعب علي الواحد
هنا رحيم قلبه وجعه اوي وركب عربيته وهو منهار
ريم..مالك رحيم كنت بتتكلم كتير مع الولد في السوبر ماركت ليه
رحيم..شاف ماما بس ميعرفش راحت فين
ادهم وهو راكب العربيه وبيتفقد الشوارع والعربيه ماشيه فجاءه
ادهم…. رحيم .. ووقف.. انا عرفت ماما فين
الحمد لله الست كريمه لاقوها بكره هنعرف كانت فين واي اللي حصلها
عاوزه تفاعل منكم وتعليقات تشجعني اني اكمل بتعليقاتكم بتشاركوني بافكاركم اني اكمل الجديد اشوفكم بكره
16
ادهم… رحيم وقف هنا من فضلك ..انا عرفت ماما فين
رحيم …لماسمع كلام ادهم فرمل العربيه فجاءه والتفت هو ريم وفي نفس واحد.. فين انطق بسرعه
نزلوا التلاته من العربيه ….
ادهم.. المنطقه وشوارعها انا جيت هنا مع ماما قبل كده انا افتكرت حالا ..
ريم.. ليكوا قرايب هنا ولا اي
ادهم..لا هنا مدافن عيلتنا
رحيم.. لا مدافن والدنا مش هنا …
ادهم..لا مدافن جدك والد امنا هنا .. رحيم افتكر
رحيم.. واي اللي هيجبها هنا وانت اش عرفك انها هتروح هنا ومرحتش عند مدافن بابا ليه
ادهم.. عشان جدي الله يرحمه هو الوحيد اللي بتضعف امنا ادامه وكانت ماما تاخدني معاها وتقعد ادام قبـ،ـره وبشوفها وحده تانيه خالص احسن من اللي موجوده في البيت ماما ادام قبـ،ر ابوها بتبقي الام اللي بنتمناها .
رحيم.. تقصد …….
ادهم… ماما من زمان لما كانت تزعل مننا او من بابا كانت بتجي هنا تعيط وتشتكي والدها لغايه ماترتاح وتروح وترجع اقوي من الاول
ريم..مستغربه وفي نفسها ياجبروت الست دي
رحيم ..بتقولي حاجه
ريم لا يلا لسه هنتكلم
..وفعلا مشيوا علي رجليهم وبقوا يسألوا علي (مدافن الشهاوي ) وفعلا لقوا المدافن واول مادخلوا قلب رحيم اتقبض وخاف علي امه المدافن مهجوره ومافيش حارس ليها ازي امه تكون هنا من امبارح .. بدوا يدورا وريم خايفه وطول ما هي ماشيه بتقرا الفاتحه للأموات..لغايه ماشردت عنهم وفضلت تدور لغايه مالاقت عند مدفن بعيد فوقه شجره عاليه اوي و ادامه حاجه كأنه ست لابسه اسود
وفجاه
#_فلاش_باك وافتكرت ان كريمه كانت لابسه اسود …#باااك.جرت بسرعه ناحيه المدفن دا وفعلا اتفاجئت بست مرميه لابسه اسود ادام مدفن ..نزلت ناحيه الست علي ركبها وبترفع وشها ..لاقيتها الست كريمه والمدافن ( محمد الشهاوي )
ريم..ماما ماما فوقي ..ماما ..وصرخت بعزم مافيها الحقوني رحيبيم.. اددددهم ماما هنا….
ادهم ورحيم كانوا ماشين مع بعض واول ماسمعوا صريخ ريم اتخضوا وجريوا بسرعه. وبيدعوا من قلبهم امهم تكون كويسه
وصل رحيم وادهم واتفزعوا من منظر امهم وهي مرميه علي الارض كلها في حاله لايرثي لها ومغمي عليها
رحيم..ماما ..ماما …سامحيني ياأمي ابوس ايدك فوقي
ادهم .. نزل علي ركبته ووطي وشه عليها وصـ،ـرخ ..اطلب الاسعاف بسرعه النفس بطيء
اتصل رحيم بالاسعاف واللي جه بسرعه ونقل الست كريمه الي المستشفي ورفض رحيم انه يسبها وركب معاها عربيه الاسعاف وريم تمسكت انه تكون معاهم في الاسعاف
ادهم اخد العربيه وحصلهم علي المستشفي وبلغ اخواته اللي قالبين الدنيا
عربيه الاسعاف وصلت والست كريمه نقلوها علي العنايه .. والكل قلقان وحاله توtر ورحيم في بكاء مستمر وادهم طول الوقت بيآنب رحيم اخوه علي قسوته علي امه اللي خلها كده