منى: انا تعبانه وعاوزه نام
تصبح على خير
الصبح كان يوم الجمعه..
وكان احمد اجازه
صحيت لقيت الفطار جاهز ع السفره
احمد: يسعد صباح الحلوين الزعلانين
منى: وصباحك
احمد: جهزتلك الفطار اي رأيك ف الدلع ده اظن كده ينفع اكون عريس…..
منى: ايوا صح… يا بخت مريم فيك
احمد:واي دخل مريم دلوقتي
منى: مش مريم بنت خالك اختيار امك وهاتتجوزها بس نطلق
احمد: اي الكلام ده يا مني انا اصلا ما بحبهاش ولا بطيقها ولو عاوز اتجوزها كنت اتحديت الدنيا واخدتها
منى: طيب ليه ما اتحديت الدنيا وامك واخدتني وقلت عاوز مني
احمد: طب خلصي فطورك عشان نخرج
منى: لا لا انا اخرج معاك بعد اللي حصل امبارح مستحيل
احمد: حتى لو هانروح عند اهلك
منى: بتقول اي 😍😍
احمد: افطري والبسي بسرعة قبل ما امي تصحا
جريت على احمد وحضنته وبوسته على خدو ده
حسيت قلبي وقف وخجلت كتير بس بجد كان انسان بجنن طيب حنون ما شفت منه حاجه تزعلني
و احمد حضني جامد وبقوه ومش كان عاوز يتركني ولا يسيبني….
منى: طب يلا عشان ما نتاخرش عليهم
احمد.. خليكي شويه ف حضني
منى:……بتعمل اي يا احمد
احمد: ريحتك روعه وحضنك اجمل
باسني على جبيني وسابني…
لبست ع سريع وقلبي بيدق بسرعه وجسمي بيرتعش نزلنا ع السلم ومسك ايدي وعديناصبحنا على عمي ومرات عمي واحمد قالهم اننا رايحين نزور بيت اهلي وخرجنا فعلا
ووصلت عند اهلي..
امي: يا الف مليون اهلا وسهلا بالعرسان
منى: حضنتها ونزلت دموعي كنت فعلا مشتاقه لحضنها اوي
ابي: اهلا وسهلا بالحلوين
بصيت ليه جامد وبقوه لاني كنت بعيده عنه اخر فتره وكنت حاسه انه رماني عشان النفوذ والفلوس
قضينا نهار بجنن عند اهلي كنت مبسوطه اوي واحمد كان طول الوقت ماسك ايدي وبياكلني وبغازلني قدامهم
امي: خللي بالك م جوزك والله مافيه منه شكل عيونه ب تلمع لمع وانتي جنبه
منى: احمد ف عيوني يا امي
طلعنا من عند اهلي ورحنا قعدنا على البحر
احمد: فاكره لما كنا نروح على بيت جدو ونلعب سوا
منى: ايوا فاكره وكنت بحب العب مع ابن خالتي محمد وانت كنت تتنرفز وعاوز تضربني
احمد: كان دمه تقيل واحنا عيال
منى: ولحد دلوقتي دمه 😂تقيل