الدكتور طلب تحاليل من اخويا ومن مراته .. وكانت المفاجاه ان اخويا مستحيل يخلف او يكون خلف قبل كده.. طبعا اخويا بقي زي المجنون.. يعني ايه مستحيل اكون مخلف .. اومال البنات دول بنات مين؟ اكيد الدكتور ده مش فاهم حاجه.. ومسك في الدكتور كان هيضربه لولا الناس حاشوه.. ومراته قالت له اكيد اختك اتفقت مع الدكتور يقول لنا كده علشان توقع بيني وبينك..
لقيت اخويا داخل عليا الاوضه.. وزعق لي لقيت نفسي بقول له هو انت صوتك ميعلاش غير عليا انا؟كل مره تصدق مراتك وتكذبني؟ جرب مره واحده تصدقني.. بطل تصدق كلام مراتك من غير تفكير..
روح اعمل تحليل ليك انت وبناتك واقطع الشك باليقين واتاكد..وعلي فكره مراتك طول اليوم بتتكلم في الموبايل بصوت واطي وكل يوم والتاني بتلبس وتتزوق وتخرج الله اعلم بتروح فين ومع مين .
بس انا متكلمتش لاني عارفه انك مش هتصدقني.. اتعصب عليا وقال اخرسي انتي عايزه جنازه وتشبعي فيها لطم .. ورحمه اتخانقت معايا رغم اني شوفت الخوف باين في عينيها.. وقالت لي تحليل ايه الي هيعمله
وهيعمله تلات مرات علي التلات بنات علشان دكتور مش فاهم حاجه؟ .. وانتي عارفه التحاليل دي مكلفه اد ايه وعارفه ظروف اخوكي ياشيخه حـrام عليكي اتقي الله.. وبصت لاخويا وقالت له متصدقهاش دي عايزه توقع بينا
اخويا قال لها انا هعمل التحاليل بس مش علشان مش واثق فيكي .لكن علشان اثبت لها ان كلامها غلط وتتخرس وتبطل تفتري عليكي وطول مهي عايشه في بيتنا متفتحش بوءها
انا فضلت افكر معقول البنات دول مش بنات اخويا؟ وياتري رحمه عارفه انهم مش بناته ؟ .. وياتري عارفه ابوهم مين؟.. هم البنات كلهم امهم في الشكل والاخلاق بس بصراحه عمري متصورت ولا جه علي بالي انهم مش من اخويا
وراح اخوياعمل التحاليل والنتيجه طلعت بعد اسبوع وكانت الصدمه ان البنات التلاته مش بنات اخويا ولا في اي تطابق معاه .. ومراته كانت عارفه..
في اليوم ده كنت قاعده في اوضتي لقيت اخويا داخل من الباب وشه اسود وبيقول هي فين الخاينه؟
… قولت له رحمه مش هنا خرجت من شويه
واخويا قال لي سامحيني يا ساره ده ذنبك لما رفضت اجوزك للانسان الي بتحبيه .. عيطت وقولت له كل شئ نصيب وانا مش زعلانه منك وعارفه انك كنت مغيب ورحمه كانت مسيطره عليك.. انت اخويا الكبير والضفر ميطلعش من اللحم .. والحمد لله ربنا اظهر الحق ..ولازم الغلط بيتكشف ولو بعد سنين