و مرت الايام و اليوم هوه اليوم .. لحد ممليت من خصامو لييه و تعبت من تفكيرى ..
لحد ما فى يوم و انا فى المطبخ بعمل الاكل واعترف لي بكل حاجة
هو : و انا مش قادر اكمل الاتفاق ده خلاص تعبت و مليت من المقاومة.. انا بحبك .. من زمان .. من زمان خالص .. من قبل متتجوزى اخويا الله يرحمه .. كنت مرتب نفسي عليكى قلت هيه دى .. هيه دى اللى هتكون حبيبتى و مراتى .. بس إللى محسبتش حسابه ان اخويا يحبك .. صـdـمة .. لما جالنا و قالنا خلاص انو خطبك .. قعد بعد كده كل همى انى انساكى و اتعامل معاكى طبيعى .. كل همى ابعد عنك و مركز معاكى و لا ابصلك .. بس غصب عنى برضو مشددولك.. كنتى لما بتضحكى معرفش قلبى بيحصلو ايه .. بس كنت بقاوم
لحد م قابلت هبة .. زميلتى فى الشغل .. اخلاق عاليه .. بنت ناس محترمين .. و فوق كده بتحبنى .. قلت خلاص .. اتجوزها .. و اعيش حياتى الطبيعية .. فتحتها فى الموضوع و قبلت و كنت خلاص مرتب نفسي عليها