عملت كده عشان تعرف قيمتي

فلما نزلت طلقتها قولت اادبها شوية وبعدين ارجعها لاني والله حبيتها جدا طيبه وست بيت درجه اولى ودايما معايا وبتدعمني وانا مسافر وتدعيلي ومكنش لها طلبات ولا من النوع المادي بس امي كان لازم ارضيها مينفعش اخلي مراتي تنتصر عليها وتمشي كلامها طلقتها ويعد شوية بفتح كلام معاها عن طريق واحده جارتنا لقيتها بتشترط واتغيرت انا كنت فاكر ان اول ما اتكلم في رجوع هي هتفرح

خاصة علشان هي ملهاش حد غير عمتها ديه ست كبيره وبناتها متجوزين بس ده محصلش وتوقعي مش مظبوط معرفش هي عملت كده لاني ممكن اكون قسيت عليها شوية وعملت لها بلوكات لمده ٦ شهور بعد الطلاق وده سبب جفاء من ناحيتي ولا ايه السبب المهم انها عاوزه ترجع بشروط طبعا انا موافقتش على شروطها قولت اسيبها شوية لحد ما تعقل

ودلوقتي جارتنا ديه قالتلي انها خلاص مش بتفكر ترجع تاني وان فيه واحد اتقدملها وهتتجوز علشان انا بسافر ومقصر معاها واهلي واللي بيعملوه معاها فهي خلاص نسيتك وانا مش مصدق انها ممكن تتجوز غيري وحياتي كلها اتقلبت هم ونكد والله انا دورت وراها قولت يمكن بعتالي رساله علشان اعرف قيمتها مش اكتر بس فعلا اتاكدت ان في واحد تاني هيتجوزها وهي موافقه عليه وانا مش عارف اعمل ايه بجد

انا عيشت معاها بعيد عن المشاكل ديه اسعد ايام حياتي وفهمتني بسرعه ومحدش يقول اني محدش بيحس بالنعمه الا لما بتروح منه والله انا كنت حاسس ومقدرها جدا انا قولت أطلقها شوية لحد ما اسافر وقبل ما انزل اجازه هرجعها تكون عرفت انها كانت في نعمه وتقدر اللي كانت فيه ازاي تتجوز واحد غيري وتبيع بالشكل ده والحل ايه دلوقتي احاول اوصل لخطيبها ده واهدده او اعمل معاه اي حاجه تخليه يبعد عنها ولا ايه