بفكر ازاي واحدة تم0وت وترجع علي الحياه تاني ماتت قدام عيني في حادثة عربية انا شوفتها قدامي ازاي رجعت علي الحياة مرة تانية وكمان بااسم سمر نفس الوجه نفس لون البشرة ونفس الصوت هي سلمي ونفس الوحمة اللي في ايديها طيب ازاي واللي هيجنني انها بتتصرف معايا كأني واحدة غريبة واحنا كنا اعز أصحاب في المدرسه فضلت افكر فيها قطع شرودي صوت موبايلي بيرن دا اكيد محمد طلعت موبايلي من الشنطة لقيت رقم غريب ياتري مين رديت
داليا: الو مين معايا
سمر: ازيك ياداليا انا سمر
داليا: اهلا حبيبتي عاملة ايه
سمر: الحمد لله تمام بقولك انتي معزومة علي العشاء انتي ومحمد عندنا انا اخدت رقمك من محمد وقولت لازم اعزمك بنفسي
داليا: شكرا ياقمر ان شاء الله هاجي مع محمد
سمر: تنوري حبيبتي مع السلامة
داليا: الله يسلمك باي حبيبتي
قفلت معايا وبعدها روحت البيت. لقيت محمد قاعد جه قالي داليا انتي اتأخرتي كدا ليه فينك قولتله اصل انا كنت عند مريم صحبتي بجيب منها المحاضرات اللي نقصاني
قالي اوك حضري نفسك بكرة علشان معزومين عند
اهل سمر قولتله سمر كلمتني وقالتلي ان شاء الله بكرة
انا داخلة انا داخلة اوضتي عايز حاجة
محمد: لا حبيبتي عايز سلامتك
دخلت اوضتي وانا لسة بفكر في نفس الموضوع ومش عارفة انسي وابطل تفكير قطع حبل أفكاري صوت موبايلي بيرن
لقيت رقم غريب قولت اكيد حد من اهل سمر اوحد اعرفه
داليا: الوو
الو انسه داليا معايا
داليا: ايوه مين معايا
حضرتك انا البواب اللي جيتي وسألتيني عن أحمد باشا
داليا: بصد@مة انت جيبت رقمي منين وبتتصل عليا ليه عايز مني إيه
البواب: مش مهم تعرفي جبت رقمك منين المهم انا اكتشفت حاجة خطيره جدا عن صحبتك سلمي اظن يهمك تعرفي
داليا: ايه هي الحاجة دي قولي
البواب: مينفعش الكلام علي التليفون لازم تيجي في نفس المكان اللي جيتي فيه عند عمارة احمد باشا بس الموضوع ضروري
داليا: ماشي انا جاية حالا………
خوفت كتير بعد ما كلمني بواب العمارة حسيت ان في حاجه هتحصل قلبي كان بيدق بسرعة انا هخرج ازاي دلوقتى هقول لمحمد ايه انا لازم اخترع اي حجه بس ايه هي
خرجت من اوضتي وانا خايفة ومش عارفة هقول ايه لمحمد طلعت برا ملقتش محمد برا نديت عليه مردش قولت اكيد خرج الحمدالله دلوقتى اخرج واشوف ايه حكاية البواب ده
اخدت تاكسي ووصلت عند عنوان سلمي وهناك لقيت البواب مستنيني نزلت قدام العمارة
البواب: كويس انك جيتي عايز اوريكي حاجة مهمة
داليا: الأول قولي انت مين وجبت رقمي منين وانت مش قولتلي ان احمد يوسف معندوش بنات
البواب: بصراحة انا خوفت من حضرتك لانه من بعد مoت الآنسة سلمي وفي ناس بتيجي تسأل عن باباها ومامتها وفي شرطة وصحافة بيجو يسألو فااطريت اقولك انه معندوش بنات بس بعد ماحضرتك مشيتي انا طلعت شقة الاستاذ أحمد هو سابلي نسخة من المفتاح وسافر هو وعيلته بس قالي متقولش لأي حد عن مكاني لان حياته في خطر
داليا: انا مش فاهمة حاجة ممكن تفهمني كل حاجه براحة
البواب: مش هينفع نتكلم هنا تعالي معايا
طلعت مع البواب وانا مرعوبة وخايفة بس كان لازم اطلع اكتشف حقيقة سلمي وسمر
البواب: دي شقة الاستاذ أحمد تعالي معايا
دخلنا الشقة وكان باين فيها عفش قديم وخيم في السقف وعفار كتير قالي دي اوضة الست سلمي
دخلت اوضة سلمي وكان متعلق فيها صورها وكل حاجتها فيها كأنها موجودة فتحت دولابها لقيت هدومها متعلقة ولقيت كتب الثانوية اللي كانت بتذاكر فيها فضلت ابكي كتير عليها وافتكرت لما العربية خبطتها وهي قدامي
البواب: بعد حضرتك مامشيتي انا جيت هنا ولقيت دي
داليا: دي صورتي انا وسلمي احنا كنا متصورينها سوا لما كنا رايحين نقدم في الثانوية
بلف الصورة لقيت رقمي ورقم سلمي مكتوبين عليها
افتكرت لما الفون بتاعي ضاع ومحمد جابلي فون جديد وخط جديد وساعتها سلمي قالتلي هاتي رقمك الجديد وكتبتلها رقمي وهي كتبت رقمها وعملنا عليهم قلب وضحكنا كتير
البواب: لما شوفت صورتك انتي والست سلمي اتأكدت انك صحبتها ولازم تعرفي ايه اللي حصلها
داليا بصد@مة: ايه اللي حصلها قولي
البواب: حضرتك عارفة ان الاستاذ احمد كان صحفي مهم في الدولة وعمره ما نشر الا الحقيقة وكان عنده الحق حق لو علي رقبته في يوم من الايام لقيت عربية كبيرة وفيها ناس لبسين بدل وواضح انهم مهمين جدا جم وطلعو شقة الاستاذ أحمد وانا بالصدفة طلعت اوصل طلبات للشقة اللي قصاد الاستاذ احمد سمعتهم بيزعقوا بصوت عالي وبيقولو له لو حضرتك مرجعتش عن اللي بتعمله دا بنتك هتدفع التمن غالي قالهم اللي انتو عايزين تعملوه اعملوه بس عمري ماهتنازل عن الحقيقة ولازم اكشف الفساد اللي معلمكم بيعمله قالوله احنا حزرناك وانت حر
نزلو من عندو ومشيو وبعدها بيومين حصلت حادثة الآنسة سلمي
داليا: قصدك تقول ان سلمي اتقتلت مش مجرد حادث
البواب: الله اعلم انا قولت لحضرتك على اللي حصل بس دول ناس خطيرة وتعمل اي حاجه
داليا: وبعدين كمل
البواب: بعد كدا الاستاذ احمد قدم استقالته ووقعد فترة في البيت ميخرجش من بعد مoت سلمي بنته وبعد فترة جه وهو باين عليه جري كتير وكان مش قادر ياخد نفسه جه وقالي انا مسافر برا البلد واي حد يسأل عن سلمي بنتي قوله مكانش عنده بنت ولو حد سألك عليا قوله عزل ارجوك ياعم مجدي انا حياتي انا وعيلتي في خطر
وطلع فوق وحضر شنطه وولاده وعطاني مفتاح شقته ومشي
يتبع….