روحتله الشغل ولاقيت صاحبه بيقولي جوزك خلص شغله ولسه مروح قولتله مروح فين قالي معرفش بس اكيد البيت قولتله هو مش كان في مسابقه على سفر في الشغل عندكم من مده وكان جوزي مقدم فيها قالي لا بقالنا فتره من بعد الكورونا مفيش مسابقات للسفر بتيجي
للشغل ،روحت وانا ماشيه في الشارع مش فاهمه ايه اللي بيحصلي يعني ايه جوزي مسافرش اصلا امال راح فين وبقاله سنه ونص فينه ،قومت رايحه لاخوه لان ابوه وامه متوفين قلتله انا بحلفك باغلى حاجه عندك جوزي فين قالي مليش دعوة خلي جوزك هو اللي يقولك ،ولما جيت
بليل كلمته وواجهته باللي عرفته قالي انا مسافرتش واتجوزت زميلتي في الشغل وعايش معاها في بيتها وهي ارمله وجاب منها العيل اللي سمعت صوته وانه عمل كده عشان ميأذيش مشاعري طب والدهب اللي انت
اخدته ،اخده عشان يتجوزها بدهبي قالي وانا طول الفترة دي مقصرتش معاكي في اي مصاريف وكنت ببعتلك كل اللي انتي محتجاه قولولي اعمل ايه في صدمه عمري في جوزي واللي عمله فيه اطلق ولا ارضى واسكت