وتبقي الغيره من اصدق شعور الحب بقلم هبه حامد

انا بنت يادم والبنت بتشوف وتعرف تصرفات البنت اللي زيها بدل علي ايه

ـ ياليال انا كل دا ميفرقش معايا والمفروض انتي كمان، اللي يفرق نيتي ايه من نحيتها وانا بعملها ازاي ويشهد ربنا انها زي اختي الصغيره

ـ انا عارفه نيتك كويس بس اصول وشرع ربنا بيقول ان التعامل بينكم لازم يكون بحدود ومفيش اي تلامس

دا انا المفروض مراتك ومش بهزر معاك كدا

هو انا ممكن اسألك سؤال

هو انت لو مكاني هتقبل اني اهزر مع حسام اخوك اللي اكبر مني وبعتبره اخويا الكبير بالشكل دا او اهزر مع يوسف اخوها كدا

ـ لا طبعا انتي عبيطه

ـ انا مش عبيطه يادم انا واحده بتغير علي جوزها ودا من حقي زي ماهو من حقك، وانا عمري مافكر اعمل كدا لاني عرفه حدودي كويس رغم ان نيتي ونيت اخوك اننا اخوات الا اني بحترم نفسي وبحترم الراجل اللي معايا وغيرته

بس للاسف انت مش بتعمل كدا

نفس حرقة الدم والنار اللي جواك ونغزة القلب والعصبيه اللي بتتملكك لما بتغير عليه هو نفس الشعور اللي بيحصلي

اه ربنا خلقك راجل وخلقني ست بس خلق المشاعر واحده وزي مانا مش بحطك ف موقف غيره باي شكل ياريت انت كمان تعمل كدا لان شعور الغيره دا وحش اوي بيخليك تفقد ثقتك ف نفسك او في الشخص اللي معاك يبيعيشك ف خوف طول الوقت

فياريت اي حاجه توصلنا لاي شعور من دول نبعد عنها ونقفل بابها خالص عشان علاقتنا تستمر وتكون ناجحه من غير زعل او تسبب فوجع لاي طرف فينا

مسح دموعي اللي مقدرتش احبسها اكتر من كدا ومسك ايدي

ـ انا اسف، مكنتش اعرف ان دا بيسببلك وجع اوي كدا

ليال انتي كل حياتي وانا مش عايزك تحسي باي شعور من دول عمري ما هخون ثقتك ولا هخليكي تخافي من اي حاجه طول مانا عايش، ومش عايز ثقتك ف نفسك تتهز انا سبت كل بنات العالم وجتلك انتي عشان عايزك انتي انا اللي اختارتك دون عن اي حد ف مفيش اي واحده هتعرف تاخدني منك ولا اي بنت تستاهل تغيري بسببها دانا معايا ست البنات

يتبببببببببببببببببع