لميت اللي على الأرض “هدوم وألعاب وحاجات مطبخ وحاجات تانية غير معلومة المصدر”
وشلت السجاد ونفضت الكنب وكنستها وروقتها والحمد لله اتظبطت، وقدام الحمام كان في شوية هدوم وطبق غسيل لأنها كانت بتغسل لميت كل دا و شيلتهم على الغسالة.
دخلت على المطبخ لميت اللي على الأرض وكنسته وكان معايا حاجات جايبها من بره حطتها في التلاجة وغسلت المواعين ورصتها ومسحت الأرض بمية وشغلت الراديو على إذاعة القرآن الكريم وفجأة المطبخ نور
كنت جايب بطاطا معايا وانا جاي عشان هي بتحبها.
غسلتها وحطتها في الفرن اول ما الريحة بدأت تنتشر بدأو يدخلو عليا المطبخ.. البطاطا لا تقاوم.
مراتي قامت وشها بيضحك ونفسيتها احسن بكتير ” مش عارف علشان اتفاجأت بالشقة ولا علشان ريحة البطاطا ” وجت علشان تساعدني بس كنت خلاص خلصت الحمد لله ولا كأننا كنا متخاصمين.
مش عيب إنك تساعد مراتك علي قد ما تقدر لو هتغسل حتي اطباقك اللي اكلت فيها.
الرسول عليه الصلاة والسلام كان في خدمة أهله وقال خيركم خيركم لأهله وانا خيركم لأهلي وأحب الأعمال إلى الله سرور تدخله على قلب مسلم فما بالك ان كان المسلم دا أهل بيتك.
أنا مش بدعي المثالية بالعكس إحنا بنتخانق يوم اه ويوم لأ بس مش كله ضرب ضرب كفاية الدنيا وقرفها.
مقولكمش بقي البطاطا طلعت تحفة
الستات بيفرق معاها التقدير والكلام الحلو وإحساسها إنك حاسس بيها وبتساعدها.. ولو شافت نظرة تقدير بس منك ممكن تهد الدنيا عشان تريحك
اواقعية
عزة العمروسي