انها واحدة صاحبتها وتعرفني فقالت لمراتي انها ركبت معايا وكدة دلوقتي مراتي زعلانة جدا بتقولي مش مقامك موضوع
اوبر دا خالص اخرتها تبقى سواق بقولها الشغل مش عيب طالما حلال لكن معترضة جدا وكمان بدأت تقولي احنا مالنا
نشيل شيلة غيرنا ليه واختك اصلا كانت ممكن تكمل مع جوزها الراجل كان شايلها في عينيه ومش محوجها لأي حاجة كان بس شوية مشاكل زي اي بيت ( ودا حقيقة فعلا ) لكن
طبعا اعمل ايه ربنا قدر واتطلقوا وهي مبتشتغلش وانا حاولت بكل طاقتي اني امنع الطلاق مقدرتش الأمر الواقع دلوقتي انها ملزومة مني شرعا ولازم اقف جنبها وبحتسب الأجر وخلاص
لكن زوجتي مش متقبلة الوضع دا خالص خصوصا ان طبعا مع الشغل الجديد برجع سطيحة ع النوم يدوب وطبعا مفيش وقت لنادي ولا لأي خروجة خلاص فدا مضايقها جدا وكمان
معترضة على موضوع أوبر دا وبتقولي لو انت لما جيت اتجوزتني كنت سواق مكنتش هقبلك طبعا وانا مش لاقي أي شغل تاني فمعنديش خيار ومش شايف ان اوبر دي قلة قيمة
ولا حاجة عادي شغلانة حلال وعربيتي مش شغال عند حد فهل معاها حق انها تزعل وأرجو عدم التجاوز لأن زوجتي بنت ناس وبنت أصول وانا بحبها جدا وعشرة وأم أولادي