بصراحة كىسرت خاطري، المهم أنا مش مقتنعة تاخد جوزي مني ازاي يعني؟! هو بيحبني أوي واتجوزني رغم إعاقتي ومرضي فأنا اتكلمت مع جوزي ووضحتله إني متخوفة من البنت دي عشان ممكن تاخدك مني أو غصب عنك تحبها عليا وتتجوزها
قالي لا طبعًا أنا لا يمكن أحب حد غيرك ولا يمكن أبصلها دي بتشتغل عندنا انتِ اتجننتي وانا مهندس يوم ما اتجوز زي ما بتقولي مش هتجوز واحدة مش في مستوايا التعليمي ومعاها دبلوم ومش هتجوز أصلا غيرك وأي حاجة هتخسرني بنتي ومراتي لا يمكن أعملها
فانا استغربت قولتله طب ما انا معايا دبلوم واتجوزتني!
قالي انتِ حالة خاصة حب عمره ما هيتكرر ولا يجي زيه أنا اتجوزتك وقتها عشان بحبك دلوقتي حياتي كلها مبنية على المنطق ولا يمكن أخسر بيتي ومراتي أو أحب غيرك أنا بتاع شغل وبس و احافظ على بنتي ومراتي مش انا اللي عشان واحدة ست أو التفاهات دي أخسر مراتي وبنتي انتي حبيبتي ومستحيل اصلًا أفكر في غيرك عشان مخسركيش،
طب يا جماعة ماشي أنا واثقة في جوزي لكن أمي وأخواتي بيقولولي هتلف على جوزك وتاخده منك وهتعملكوا سحر هو الكلام دا حقيقي؟! ولو قولتولي مشي البنت ما هو أنا محتاجاها تساعدني فالبيت زي ما قولتلكم في الأول
ياريت تطمنوني وشكرًا.