مديحه _ منك لله مش كفايه اخد فلوس
جوزي كلها حرام عليك يا اخي
هشام _ حرمه عليكي عيشتك اوعي كده
من وشي وبكره اجي القي البت جاهزه
انتي سامعه ولا لا وبعدها مشي وخرجت شروق من اوضتها وقالت
شروق _ هو في ايه بالظبط يا ماما ماله عمي عمال يزعق معاكي كده ليه
مديحه _ عمك جايبلك عريس وانا مش عارفه اعمل ايه يا بنتي
شروق _ عماله اقولك تعالي نمشي من هنا انا مش عايزه اقعد في البيت ده تاني هو عمال يتحكم فينا بالقرشين اللي بيرمهم لنا كل شهر
مديحه _ والله يا بنتي مش عارفه اقولك ايه هنروح فين بس ما انتي عارفه البير وغطاء ما معناش حتى فلوس ناخد شقه ثانيه
شروق _ طيب هو انتث ناويه على ايه هتجوزيني يا ماما
مديحه _ ما تشوفي العريس يمكن يطلع كويس يا بنتي ويرحمنا من العيشه اللي احنا عايشين فيها دي
شروق _ انا عمري ما هقبل اعيش اي عيشه وسلام علشان خاطر انتي خايفه تقفي قدام عمي بجد انا زهقت وبعدها دخلت الاوضه
وتاني يوم جه هشام ومعاه هاني العريس شاب عندة 38 سنه اسمر شويه بس شكله مش
وحش واقعدو وهشام قال
هشام _ان شاء الله عروستنا هتعجبك وهنتفق على كل حاجه النهارده باذن الله ، وانا دخلت
ب الشاي
مديحه _ اتفضلوا الشاي البنت بتلبس وجايه على طول
هشام _ طيب افردي وشك شويه علشان الموضوع يكمل على خير
يتببببببببببببع