مراتي ما قدرتش اللي عملته عشانها الجزء الأخير
المهم لاحظت ان زوجتي بدأت تهملني جامد وتسيبني وتخرج مع صحبتها
تقريبا مش بشوفها ومن شهرين كده طلبت مني الطلاق بدون اي مقدمات
وقالتلي انها هتاخد الاولاد وتنزل مصر طبعا انا نزل عليا الخبر زي الصاعقه
ولكن مسألتش عن السبب وطلقتها ونزلت مصر فعلا
ومن ايام ابوها كلمني من مصر وطلب مني اني ارجعها تاني
وان صحباتها كانوا بيلعبوا في دماغها وهما السبب في طلبها للطلاق
وهي حاولت تكلمني اكتر من مية مره وانا رفضت
المشكله اني حاسس انها دبحتني ومش قادر اسامحها
وفي نفس الوقت مش قادر انساها انا حاليا باخد علاج للاكتئاب بسببها
ومش عارف اتصرف ازاي حاسس اني ممكن اتصرف غلط واندم تاني
وانا ما صدقت بدأت افوق من الصدمه ياريت حد يقدر ينصحني
او حتي يخفف عني لاني فعلا بدأت اتعافي من التصلب اللويحي
وبدأت ارجع لطبيعتي والطبيب قلي ابعد عن اي ضغوط نفسيه تماما