قصة أرض حياه. الجزء الرابع
قالتلي انتي ايه اللي منزلك ف وقت زي ده قولتلها اصل انا خايفة بصراحة قالتلي لا متخفيش خالص انتي ف راعيتي واقترحت عليه توصلني البيت وانا وافقت ودخـJـنا قعدنا مع بعض
وبدأت تقولي انتي خايفة من ايه حكتلها اللي بيحصل بس خوفت احكيلها ع الاحلام ضحكت وقالتلي لا متخافيش قولتلها انتي عايشة هنا من امتي قالتلي ياااه من زمان اووي قولتلها انتي مولودة هنا قالتلي لا سكتنا شوية وقطعت سكوتها كلامها اللي خوفوني واكدلي ان احلامي صح
قالتلي هو انتي ممكن تستغني عن ابنك قولتلها هههه لا طبعا ف ام تستغني عن ابناها قالت بس ده لو هيضعيلك حياتي قولتلها مش فاهمة قصدك قالتلي يعني حياتك ولا ابنك قولتلها الاتنين قالتلي لا اختاري حاجة واحدة نظراتها كانت مر*عبة انا حسيتها بتضغط عليه وخوفت جدا معرفتش ارد قولتلها انا عايزة انام تصبحي ع خير .
قالتلي تمام وانا هبات معاكي قمت دخـJـت الاوضة بسرعة وقفلت الباب عليه انا خايفة ع ابني منها وروحت ف النوm صحيت الصبح ولقيتها قاعدة بترتب هدوم البيبي انا بقيت حاسه انه ابنها هي مش انا !
سألتني هو انتي امتي هتولدي قولتلها بتسأل هو انت مهتمية بالبيبي اووي كدة ليه قالتلي حسااه ابني عشان انا اتحرمت من اني اخلف قولتلها عندك عقم قالتلي لا قعدت جمب الشباك وهي بتبص ع الزرع وبدأت تحكي انا كنت حامل ، وانا رايحة اولد وجوزي كان معايا عملت حا*دثة ع الطريق الرئيسي ده
قولتلها وبعدين قالتلي فوقت ولقيت نفسي مقلوبة تحت العربية قعدت اقاوم بأقوي ما عندي عشان اطلع من تحت العربية ولقيت البيبي ما*ت تخيلي تتحرمي من حاجة انتي منتظرها بقالك ٩ شهور وحياتك اللي فضلتي تتخيليها تروح ف لحظة قولتلها بس البيبي يتعوض
قالتلي وهي بتنهد لا ما جوزي ما*ت هو كمان طبطبت عليها وقولتلها انا اسفة لو فكرتك قالتلي لا انا الموضوع مبيخرجش من بالي انا المنطقة دي مش هخرج منها غير وانا محققة اللي ف بالي
قولتلها بعدmم فهم مش فاهمة قصدك ايه ف اللحظة دي لقيت تليفوني بيرن وكان جوزي فتحت عشان ارد لقيته بيقولي وهو بينهج اسمعني كويس انا عيزك تلمي حاجتك بسرعة وتقبليني ع الطريق الرئيسي سألته ف ايه فهمني
قالي بسرعة مفيش وقت للكلام ده قولتله فهمني ولقيت الخط قطع .. بصيت لحياه بقولها ف حاجة جوزي بيقولي اني لازم امشي بصت ع الارض وضحكت قالت اكيد عرف الحكاية قولتلها بتساؤل حكاية ايه قالتلي وهي بتبص ع بطني انا
مخلصتلكيش حكايتي انا وجوزي وابني.
انا كمان مت ف الحا*دثة دي انا حسيت كأن ج*مر وقع عليه ومقدرتش اتمالك اعصابي ووقعت من طولي صحيت
مكنتش شايفة حاجة قدامي وفوقت كانت كل حاجة مشوشة ولما ركزت لقيت نفسي ع سرير واوضة غريبة
وبعد دقيقة افتكرت كل حاجة حصلت وبدأت اترعش دخـJـت حياه وقعدت جمب رجلي بتقولي انا مش عايزة اخوفك والله ومتقلقيش انا مش هأذيكي بس انا طالبه انك تديني ابنك…….. يتبع