كان يرد عليه ويقولى: اكيد بتكذبى زى موضوع التليفون اللى اتسرق والفيديو المتفبرك
كنت اققفل وانا منهاره وتعبانه
وكل يوم انام ودمعتى على خدى وافكر فى الطلاق إنما للأسف انا بحبه وقولت مع الايام
كل حاجه هتتصلح
وعدى اربع سنين على جوازنا بس حاجات كتير اتغيرت اولهم ان انا مخلفتش ولا حتى حصل حمل خالص وده كان غريب ولما كشفت الدكتور قالى انه مفيش عيب لا فيا ولا فى اما عتاب حملت كذا مره وسقطت وبعدها مكرم طلقها لان كان فى بينهم مشاكل
هى بنت مش مظبوطه ودماغها صغيره
وهو طول الوقت بيقول
انه اتجوزها غصب عنه وامه غصب:ته على الجوازه دى وبعد الطلاق اتجوز بنت زميلته فى الشغل كان بيحبها وده اللى حماتى رفضته تماما
بهدلته وطردته من البيت وقالت: روح ي سى مكرم اتجوز حبيبت قلبك بره بيتى
اما عتاب كانت واقفه مستمعه ومبسوطه
من اللى بيحصل وده اللى قلب موازينى
بعد ما مكرم مشى من البيت وطلقها
بقت تستنى الوقت اللى محسن بيكون موجود فيه وتقعد معانا وكمان تبات عندنا كانت مش سهله خالص وعينها من محسن واللى مجننى ان ازاى حماتى قابله ده
ازاى تقبل ان طليقه ابنها تبص لاخوه وتخرب بيته
بس اللى مصبرنى على قد اللى محسن بيعملو
فيا من يوم دخلتنا المشؤمه إنما عمر ما شوفتو
بيبصلها غير انها اخته وبس
اللى جد فى حياتى ان كل يوم الساعه ١٢ بالليل
رقم مجهول يرن عليه ولما ارد يقفل فى وشى
والموضوع ده حصل كذا مره
ده غير انه بيبعتلى رسايل حب على الواتس
فالاول قولت اكيد حد بيعاكس والرقم غلط
بس مع الوقت اتأكدت أن انى المقصوده من كل ده لما ذكر أسمى فى الرسايل وقالى بحبك ي صدفه
كنت بحاول احكى لمحسن بس كنت بخاف واقول لنفسى كفايه اللى انا فيه معاه
واننا متجوزين من خمس سنين وللأسف علاقته بيا كلها عدم ثقه وشك فيا
وفى يوم الفون رن وكان أخويا رامى وقال إن بابا تعبان اوى
اتصلت بمحسن واستأذنت منه وقولتلوا انى هروح اقعد عند بابا يومين
وفعلا روحت وقعد كذا لانه كان تعبان جدا
وفجأه قومت من النوم على تليفون وكان من رقم غريب ولما رديت وقولت الو.. لقيت صوت شاب بيكلمنى وقالى كلمتين وهو متوتر وكان على صوته الذعر: حضرتك مدام صدفه
صدفه: ايوه.. مين معايا
رد وقالى: الحقى بسرعه محسن جوزك رجع من السفر وم١ت بازمه قلبيه وهو فالبيت دلوقتى
وقفل فى وشى
انا اتخضيت، وبقيت اصرخ، لا اكيد كذب
اتصلت بمحسن كان مغلق وحماتى مش بترد
وحتى عتاب مغلق… قومت لابست بسرعه
ونزلت جرى على شقتى ولما وصلت كان باب العماره مفتوح وده قلقنى طلعت جرى وفتحت باب الشقه ودخلت بس مكانش فى حد
جريت على اوضه النوم وحسيت برجل حد شنكلتنى وقعت على دماغى ومحستش بحاجه
غير وانى محسن مجرجرنى بقميص النوم وبيرمينى فى الشارع وبيقولى انتى خساره فيكى القتل ي فا:جره وحماتى وسلفتى واقفين شماتنين فيا….