نورا
ابدا والله مانتي قايمه خليكي قاعده مرتاحه
وبعدها دخلت المطبخ وجه ابراهيم
قعد جنبي وقال
ابراهيم
اي مالك فيكي ايه يا نسمه شكلك عامل
ليه كده اوعي تكون حماتك مزعلاكي
نسمه
ابدا بس حسيت ان انا مخنوقه شويه
قولت اجي اقعد مع نورا
ابراهيم
البيت بيتك طبعا متعرفيش أنا ونورا
بنعزك ازاي اصل نورا قالت ليا
انك انتي اللي ادتيها فلوس العمليه
نسمه
نورا دي اختي بعد اذنك انا داخله أساعدها
في المطبخ، وفعلا بعدها دخلت وبليل
دخلت نمت في اوضه الاطفال وهي
دخلت هي وجوزها اوضتهم وابراهيم قال
ابراهيم
ممكن افهم بقي فيه اي ومن أمتي
اخوكي بيسيب مراته تيجي وكمان تبات هنا
نورا
وطي صوتك مالك فيه اي البت زعلانه مع
جوزها شويه وانت عارف انها ملهاش حد
خالص
ابراهيم
معقول اخوكي يزعلها البت شكلها طيب
اوي
نورا
بس انا خايفه من امك لما تطلع وتشوفها
هنا اكيد هتعمل مشكله كبيره
ابراهيم
مالكيش دعوه ب امي أنا هقولها أن هي
جايه تساعدك في شغل البيت وبعدها تليفون
نورا رن
نورا
ربنا يستر امك بتتصل وبعدها ردت
وقالت الو ايوه يا ماما خير فيه حاجه
الحما
ايوه ياختي عايزاكي تنزلي تعملي ليا حاجه
دافيه حاسه اني داخله علي دور برد
نورا
انتي عارفه أن الحمل تاعبني يا ماما ارجوكي
اطلعي وانا هعملك حاجه تشربيها هنا
الحما
جري ايه ياختي هو مافيش حد حامل
إلا انتي ولا ايه اخلصي انزلي اعملي ليا حاجه
اشربها
نورا
حاضر يا ماما، وبعدها قفلت السكه وقالت
نفسي اعرف امك دي هتحبني أمتي ده كتير
اللي بيحصل فيا ده، وبعدها خرجت وإبراهيم
قال
ابراهيم
لما ترحموا انتو بنات الناس الاول يبقي
ربنا يرحمكم وبعدها نزلت، وعدا كام يوم
وفي شقتي دخل شريف وقال
شريف
مساء الخير يا ماما امال فين رقيه
ليها عندي خبر حلو اوي، وخرجت رقيه
وقالت
يتببببببببببببببع