شريف
هو ابراهيم هيجيب الفلوس اللي هو اخدها دي ازاي يا امي مانا عارف ان هو مش هيقدر يسدد الفلوس دي كلها يا ترى هيجيب الفلوس منين
الحما
اه انت دخلت لمراتك بقى وقالتلك على
الفلوس هي بتدي البنت الفلوس باليمين وترجع تطلبهم تاني بالشمال
شريف
ردي علي يا امي انا ادفع لابراهيم ليه فلوس العمليه ما دي مراته وهي ملزومه منه
الحما
والله ما حدش ضرب مراتك على ايديها علشان تدفع الفلوس اختك خلاص اتفقت على العمليه وهتعملها
شريف
طيب ما انتي عارفه يا امي ان انا كذا مره كنت عايز الفلوس دي علشان اعمل بيها مشروع
الحما
اسمع يا شريف انت ما شوفتش فرحةاختك لما عرفت ان هي هتعمل العمليه اوعى تكسر بقلبها
شريف
ماشي يا امي ماشي بعدها شريف خرج
وعدا كام شهر ولقيت نورا جايه البيت وانا
فتحت
نسمه
ايه ده نورا والله كنتي لسه في بالي كنت عايزه اتصل اتطمن عليكي ايه يا بنتي بقالك فتره مش بتيجي ليه
نورا
انا لسه جايه من عند الدكتور وقالي ان انا حامل مش عارفه اشكرك ازاي
نسمه
بجد والله يا نورا والله العظيم فرحتي قلبي قوي يا حبيبتي ربنا يكملك حملك على خير
وفي الوقت ده خرجت حماتي وانا قولت
نسمه
تعالي يا حماتي باركي ل نورا دي بتقول ان هي بقت حامل
حماتي
بس يا بنت وجع دماغ وروحي يلا اعملي لينا اكل ناكله
نسمه
حاضر يا حماتي اللي تشوفيه وبعدها دخلت المطبخ ونورا قالتلها
نورا
كفايه بقى يا ماما طريقتك دي البنت بتحاول ترضيكي باي شكل انتي ليه كده
حماتي
هو انتي ازاي يا زفته انتي تقوليلها ان انتي حامل انا مش قولتلك ماتقوليش لحد
نورا
ده على اساس يعني يا ماما ان هي ما تعرفش دي هي اللي دافعه الفلوس وبعدين خلاص بقولك انا حامل يعني ماقولتش ليها قبل ما اعمل العمليه
الحما
انتي عارفه يا اختي ان اخوكي عنده مشكله في موضوع الحمل دلوقتي هتقعد تندبله بقى
يتببببببببببببببع