بنتي مع العالم الاخر كامله بقلم هويدا زغلول

خوفت منها ورجعت لورا وقولت ليها _
انا مش عايزه منه حاجه انا عايزه ارجع لحياتي..

ردت عليا وكانها ما سمعتش حاجه من كلامي وقالت _
هو مش هيدوم ليكي هياخد منك اللي عايزه وهيسيبك في چحيم، هيطلب منك حاجات خيالك مستحيل يجيبها..

_خلصت كلامها وصوتت وظهر وراها شارين وقال بحده وهو بيبصلي بعيون سودا…

شارين _
امشي يا هبه، دول اشرار امشي..

_بدأت كل حاجه تقع علي الارض وتنهار فا اناجريت وطلعت اوضتي وقفلت الباب عليا وقعدت علي الارض ابكي، وبالليل كنت عزمت علا صحبتي زي ما هو طلب مني، وكنت قلقانه من اللي ممكن يحصل فيها..

علا _
انا مش مصدقه انك ممكن تعيشي في بيت زي ده…

رديت عليها بتوتر وقولت _
عادي يا علا اهو تغيير..

علا _
بس في حاجه غريبه وانا جايه شوفت بنت علي اول الطريق لابسه ضيق وجسمها مليان وشوم، شكلها خوفني بصراحه حسيت في الاول انها عفريته..

سالتها بقلق وقولت _
كلمتيها او كلمتك، قالت ليكي ايه؟..

ردت عليا وقالت بهدوء _
لا ما قالتش حاجه كانت بصالي وساكته..

وقبل ما ارد عليها ظهر. شارين قدامي وقال _
سيبيها واطلعي بره القصر خالص..

بصيت لعلا لقيتها مش شايفه شارين اصلا وعماله تتفرج علي البيت، اتنفضت بخۏف لما زعق فيا وقال..

شارين _
انتي ما بتفهميش اطلعي بره…

قومت وقفت وقولت لعلا بتوتر _
اااا انا هروح اجيب الاكل بتاع الديليفري وصل..

علا _
ليه بس تعبتي نفسك يا هبه ما كانش ليه لزوم..

رديت عليها وقولت _
لا تعب ولا حاجه..

_طلعت من القصر ولقيت فجأه نور القصر انطفي وطلعت صرخه عاليه من علا، قعدت علي الارض ابكي ومن غير ما احس نمت، وصحيت الصبح لقيت القط الاسود في وشي اتنفضت وقومت وانا خايفه وظهر قدامي شارين وقال..

شارين _
عايزه تعرفي ليه انتي، ابوكي قدمك ليا قرباان انتي وايزابيل مراته اللي في السر عشان ابقي الخادم بتاعه، وانا اخدت روح ايزابيل فاضل انتي..

يتبببببببببببببببع