ضعــيفه زي الاول قررت ابدا حياه جديده وانسي غاده واحمد وارميهم ورا ضهري..! رغم انه كان شي صعب عليا..!
روحت البيت ودخلت وانا بضحك عادي ولا كان في حاجه حصلت..!
لقيت ماما واخواتي بيبصولي بالستغراب وهما بيقولو في واحده تضحك وجوزها اتجوز بعد اسبوع من طلقها..!
اتنهدت بهدوء وأنا بقول اعيط علي واحد ندل طلقني علشان حاجه مليش ذنب فيها واحد طلقني بعد ماكبرته ووقفت جمبه واحد كسرني واتجوز اكتر واحده قريبه مني ومن بجاحته تبقي مرات اخوه..!
لاقيت ماما اخدتني في حضنها وهي بتطبطب عليا وبتقولي ربنا يعوضك بالاحسن منه.
عيطت في حضنها كتير طلعت حزني وضعفي بعدت وانا بمسح دموعي وبقول متقلقيش انا مش زعلانه عليه لان عندي يقين ان ربنا هيعوضني خير عنه..
عدا خمس شهور ونسيت احمد وبدات حياه جديده واتجوزت مصطفي بن خالتي كان بيحبني لكن رفضته علشان احمد معان الكل حذرني من احمد…!
رجع من امريكا لما عرف اني اطلقت وطلبني للجواز لكن المره دي أنا وافقت..!
كان ونعم الزوج عمره ماحسسني بنقص او عايرني بأني مش بخلف… كل يوم كنت بحمد ربنا انه عوضني بي.
تعدي الايام وفي يوم اتعب واروح اكشف واتصدمت من كلام الدكتوره لما قالتلي مبروك انتي حامل..!
هزلي راسه بفرحه ودموع وهو بيقولي مبروك ياحبيبتي ان شاءلله تكون ذريه صالحه..
تعدي الايام والشهور واخلف توأم مالك ومليكه كنت طايره من الفرح وانا كل يوم بحمد ربنا علي نعمته دي.!
تعدي الايام والشهور والسنين وانا شايفه ولادي بيكبرو قدام عيني مالك دكتور ومليكه مهندسه.
وفي يوم روحت لدار المسنين الي مالك بيشتغل فيها دخلت الدار وانا ماشيه لمحت راجل قاعد في ركن لوحده وبيعيط..!
قربت منه لكن اتصدمت لما لاقيته احمد..! اول ماشفني عيط اكتر وهو بيقول سامحيني الي عملته فيكي اترد فيا انا تعبت ومراتي واولادي رموني في الدار ومحدش بيسال عليا..!
بصتله وانا بقول مش قولتلك هتندم انا الحمدلله اتجوزت راجلل صالح وخلفت توأم متستغربش ربنا قادر على كل شيء وعارف إبني مين الدكتور مالك.!
بصلي بصدممه وعيطت اكتر مشيت من قدامه ومسحت دفعه نزلت مني وانا بقول فعلا كما تدين تدان ولو بعد حين.!!