مها : الحق ملاك يا فهد
فهد بخوف : مالها حصلها ايه ؟
مها : بتلم هدومها وهتمشى
فهد : ده ايه الدماغ دى أنا طالعلها
مالك : استنى با فهد أنا هتكلم معاها
فهد : ليه يعنى ؟
مالك : اظن إن هي اختى ومن حقى اتكلم معاها
فهد بضيق : طيب تعالى
طلعوا الاتنين عند ملاك وكان فى شنطه محطوطه وهي بتعيط وبتلم الهدوم
فهد : انتى بتعملى ايه دلوقتى ؟
ملاك : راجعه البلد
فهد : هتعملى ايه وكمان مش بعيد تروحى هناك وأمينه تقتلك
ملاك : مليش دعوه بيها ، أنا كلامى مع خالك اللى كان مخبى عنى ده كله
مالك : ملاك ممكن تهدى وتسمعى
ملاك بصراخ : اسمع ايه ، اسمع إن امى رمتنى ومشيت ولا اسمع إن ابويا متجوز واحده تبع عصابه ومعيشنى طول حياتى مع واحده بتكرهنى اسمع ايه ، أنه بعدنى عن امى طول السنين دى كلها ، انطق عايز تقول ايه ؟!
كل ده وهي بتحط الهدوم فى الشنطه
مالك : فهد ممكن تسيبنى معاها شويه
فهد : تمام
فهد نزل تحت
مها : ايه يا فهد ايه ؟
فهد : مالك هيتكلم معاها
آدم : وهي عايزه تمشى ليه ؟
فهد : عايزة تواجه ابوها ، متعرفش انها لو راحت هناك مش هترجع
مها : انت هتسيبها تمشى يا فهد
فهد : لأ طبعاً ، بس يا رب مالك يهديها
سكتوا و بعد شويه سيف دخل عليهم ومستغرب من سكوتهم
سيف : ايه ده في ايه ؟ وفين ملاك وماما وبابا ؟
مها : بابا كلمنى وقال إنه راح الغردقه وماما معاه عشان الصفقه بتاع الشركه اللى انت تممتها وهما عاملين حفله وكده بقلمى رنا شريف
سيف : طيب وملاك ؟
مها : فوق
سيف : وانتوا سايبنها فوق لوحدها ليه ؟
آدم : لأ هي مش لوحدها ، هي معاها اخوها
سيف : لها فهم……………..معاها مين ؟
مها : اخوها ، مالك
سيف بصدمه : مش فاهم مالك مين و …..حصل ايه وأنا مش هنا
فهد : هو انت اتأخرت كده ليه ؟
سيف : منه لما وصلتها كان في بوليس هناك
ادم : ليه ؟
سيف : عشان أمجد ، المهم فهمونى حصل ايه ؟
مها قالتله كل اللى حصل
سيف : طب افرض صممت تمشى يا فهد
فهد : مش هتمشى من هنا متقلقش
فى الوقت ده مالك وملاك نزلو من فوق مع بعض
مها : ملاك انتى كويسه ؟ .
ملاك بهدوء : أيوة
مالك : خلاص يا فهد
سيف : زود الحراسه على أهل بيتك يا مالك
مالك : أنا عملت كده بس ليه ؟
سيف : مها ، اطلعوا فوق انتى وملاك
مها : حاضر يا سيف ، تعالى يا ملاك
ملاك : مش هطلع
فهد : نعم
بقلمى / رنا شريف
ملاك : مش هطلع يا فهد كل مره بقوم فيها بيتقال حاجات غريبه والمهم انها تخصنى أنا ، أنا هفضل هنا وهتتكلموا قدامى
فهد بضيق : اتكلم يا سيف فى ايه ؟
سيف : أمجد هنا فى مصر. ودخل بورق تانى بإسم مختلف وشكله ناوى على الشر
آدم: طيب هو انتوا عارفين اللى معاه كلهم يا مالك
مالك : أيوة ، كلهم هيقعوا متقلقش
ملاك : طيب ، و وهي
مالك : هي تبع عصابه يا ملاك وزيها زى أمجد وسيرا والباشا الكبير بتاعهم وسامح
ملاك باستغراب : أنا سمعت اسم سيرا ده قبل كده ، مش دى البنت اللي صاحبة سامح
آدم : أيوة
مالك : وخطيبه فهد بقلمى رنا شريف
*********************
عند امينه
قاسم مكنش طلع وهي كانت بتتكلم في الموبايل بصوت واطى
امينه : العمليه دى كلنا متورطين فيها مش أنا لوحدى
سامح : دى أوامر الباشا
امينه : اسمع يا سامح ، الفلوس تتحول ل حسابى فى خلال ٢٤ ساعه ، غير كده
سامح : غير كده ايه ؟
امينه : غير كده يبقى عليا وعلى اعدائى
سامح : يعنى ايه ؟
امينه : يعنى مالك وفهد وآدم موجودين وهيموتوا على معلومه واحده
سامح : هتسلمينا يعنى
امينه : ولو وصلت لانى اقتلكوا بإيدى هعملها
سامح : هرد عليكى بعدين
امينه : أنا قولت اللى عندى. وقفلت قبل ما يرد عليها .
✍️✍️✍️✍️✍️✍️✍️✍️✍️
فى فيلا الصياد
ملاك بصدمه : خطيبته ازاى يعنى اومال أنا بعمل ايه ؟
فهد بص ل مالك بتوعد
سيف : يقصد كانت خطيبته هي دلوقتى مش خطيبته خالص
مالك : أحمد كلمنى يا فهد
فهد بانتباه : وقالك ايه؟
مالك : سمع أمجد وهو بيقول إن سيرا نازله مصر
( احمد المهدى : صاحب فهد وآدم ومالك ، عايش فى باريس من فتره كبيره وفهد طلب مساعدته و بمهاره عاليه دخل وسط رجاله العصابه دى وهو الحارس الشخصى ل الباشا , بيمثل أنه بيكره فهد ) بقلمى رنا شريف
آدم : ليه ؟
مالك بص ل ملاك و
مالك : مش عارف هو سمعه بيقولها انها تجهز وطيارتها هتوصل بكره الصبح الساعه ٧ كده
آدم : طب وبعدين
مالك : كل اللى فى الموضوع إن هي بتخاف من فهد يعنى لو فهد رجعلها وقال انه هيسامحها مقابل انها تعترف عليهم هيكون اسهل لينا
فهد. : هي مش بالغباء ده
ملاك : انت بجد هترجعلها يا فهد
فهد بضيق : هو انتى في ايه ولا ايه انتى شوفتينى رجعتلها ولا شوفت وشها أصلاً
ملاك بتأفف : كمل يا مالك
مالك : الكلام اللى هقوله ده تركزوا فيه كويس أوى
الكل : قول
مالك : ٠٠٠٠٠٠٠٠٠٠٠٠٠٠٠٠٠٠
________________________________
فى باريس
سامح : سمعتوا قالت ايه ؟
_ شكلها كده اتجننت
سيرا : أيوة يا باشا يعنى هنعمل ايه دى هتبلغ عننا
_ أمجد وصل
سامح : أيوة طياراه المفروض وصلت من ٣ ساعات
_ تمام أنا هتصرف وسابهم وخرج
سيرا وسامح : تمام يا باشا
سامح بيشاور ل سيرا أنها تتأكد أنه مشى
سيرا : تمام مشى ، هنعمل ايه ؟
سامح : مش عارف بس الغلطات كترت وشكلنا هنقع
سيرا : أنا عندى حل
سامح : حل ايه ، انطقى بسرعه ؟
سيرا : نهرب ، هنسافر أى مكان بعيد عنهم ونبعد خالص إحنا معانا فلوس تعيشنا ملوك
سامح : مش قبل ما العمليه دى تخلص
سيرا : يعنى هنسافر
سامح : نخلص بس من فهد وبعدين نفكر
فى العربيه قدام البيت اللى فيه سامح و سيرا
_ ولاد ال *** عايزين يهربوا
احمد : والعمل يا باشا
_ خلينى معاهم للأخر ، اطلع ع البيت
احمد : أوامرك يا باشا
فى مصر ( منزل السيوفى)
أمينه نزلت تحت ملقتش قاسم فى المكتب وكانت هتطلع فوق بس لمحت خيال فى المطبخ وفكرته قاسم ودخلت المطبخ واتصدمت أول ما دخلت وبدأت تصرخ ب اسم قاسم و………..
يتببببببببببببببببع