اسراء: حسبي الله..
دا انتي بتحسبني عليا ي اسراء ف وشي.. هي دي تربيتي ليكي..
اسراء بعياط وانفعال: تربيتك؟! قولي تعذيبك…ظلمك..قولي حاجه زي كدا…
بس انتي عارفه ربنا مبيسيبش.
هتعيشي وتموتي من غير ولاد لوحدك كدا… عارفه ليه؟!
علشان انا دعيت عليكي وانتي ظلماني.. ودعوه المظلوم مش بتترد ي مرات ابويا.
لقيت اسراء في اللحظه دي بتصرخ..
فتحت الباب ودخلت بسرعه لقيت مرات ابوها بتشدها من شعرها.. واول مشافتني سابته بسرعه اكنها بتحسي عليه…
وراحت قايله بسرعه..
مالك ي اسراء.. ايه الي بيوجعك يحبيبتي..
انا: اطلعي بره..
الست بصيتلي تاني من تحت لفوق وقالتلي: نعم!!
مسكتها من دراعها وفتحت الباب وقولتلها مشوفش وشك هنا تاني…
ماما: عملت ليه كدا يا ادهم…
ادهم: علشان دي ست عقربه يماما..
انتي كويسه ي اسراء؟!
ماما: خلاص بقا بطلي عياط يا اسراء..
مش عارف ليه عملت كدا بس بجد محبتش ان الست ذي تيجي عليها اكتر من كدا.. ولو ممنتش ست كان زماني مديت ايدي عليها..
كنت عاوز انام
مانا: انت هتفضل قاعدلي ف الصالون هنا.. ايه مش هتدخل تنام؟!
انا: ادخل انام فين يماما؟!
ماما: وله خد كبايه العصير ديه واديها لاسراء وخليها تشربها كلها سامعني.. ونام بقا علشان شغلك بكره..
انا: ما تنامي انتي معاها يماما وانا هنام ف اوصه الاطفال..
ماما: لا.. علشان لو احتاجت حاجه بالليل انا مش هقدر اقوم اشوفها…
اخدت منها كبايه العصير وخبطت..
اسراء: ادخل…
انا: ماما قالتلي دخل كبايه العصير دي لمراتك تشربها.. واتخمد علشان عندك شغل الصبح..
اسراء: يعني هتنام هنا يا ادهم؟!
انا: باين كدا..بصي هاخد بس بطنيه ومخده وهنام علي الارض..
اسراء: هتنام ع الارض ف التلج ده؟!
بص هو السرير كبير جدا وياخد 3 مش اتنين كمان..
بس اوعا تكون بتشخر؟!
انا بضحك: ليه مبشخرش يستي…
اسراء: صليت الشفع والوتر قبل متنام؟!
انا: اه.. الحمدلله..
اسراء: حسيت ب ايه لما بدءت تنتظم ف الصلاه..
انا: حسيت ان ربنا راضي عني واني راضي عن نفسي.. شعور حلو اووي بجد.. تخيلي اني كنت ببذل كل يوم اضعاف المجهود الي ببذله ف الصلاه فجلد ذاتي. انتي مبتصليش ليه؟!
انت مش مسلم؟!
طيب ايه ايه الي يدل ع انك مسلم..
دا انت اول حاجه هتتحاسب عليها هتبقا الصلاه..
هتفضل كدا احد امتا؟!
بس لعلمك ي اسراء لسا 27 يوم مخلصوش.. ولو خلصو ووقفت صلاه وعرفت اعمل كدا.. الرهان هيبقا صعب عليكي اووي..
اسراء ضحكت كتير.. اول مره اشوفها بتضحك كدا من قلبها وكل ملامحها بتضحك.. سرحت في ملامحها لمجرد لحظات.. وكنت فرحان ومبتسم..
اسراء: لا ان شاء الله انا الي هكسب…
انا: هنشوف…
نمت ومصليناش الفجر حاضر يومها لان اليوم كان طويل.. وانا وعيا راحت علينا نومه..
قلقت قبل المنيه ميرن بلحظات
واول مصحيت لقيت اسراء نايمه جنبي..
كانت نايمه زى الاطفال..
بس كان وقتها الدنيا ساقعه.. شلت الغطا بتاعي وحطيته عليها..
لقيت لتاني مره حاجه بتقولي: انت حبيتها ولا ايه يمعلم..
وبدء حالي يتصلح.. بطلت اكلم البنات وبقيت بتعامل بحدود اكن حاجه ربطاني..
بعدها ب اسبوع جالي خبر نقلي لفرع جديد بس بعيد شويا بس هرجع تاني بعدها 15..
واسراء بدءت تتحسن وماما هتروح خلاص..
لا هي فعلا بتلم حاجتها وماشيه..وبعد ممشيت..
انا: اسراء انا هسافر 15 يوم.. تبع الشغل وهرجع تاني…
اسراء: 15 يوم بجد؟!
حسيت للحظه حـzن فعيونها علي كلامي بس كدبت نفسي..
اسراء: تروح وترجع بالسلامه.. ربنا يسهلك الحال…
هتبقا تكلمني؟!
انا: اكيد..
اسراء: طيب ممكن اطلب منك طلب..
انا: اتفضلي..
اسراء: في واحد زميلي فتح صيدليه وانا عاوزا انزل شغل فبقترح لو انزل اشتغل فيها شويا.. هو اقترح عليا يعني…
انا: صاحبك؟!
اسراء: لاء زميلي هو خريج صيدليه واخو صاحبتي وهي كمان خريجه صيدله..
انا بقبت بزهق من القاعده بجد..
ممكن يا ادهم؟! وحيات مامتك عندك…
يتبع….