الدكتور لا لسا محتاجه يومين كمان ولا تلاته ولا حاجه…
اخدته علي جنب وقولتله: يدكتور والدتي قاعده معاها وكبيره ف السن وانا مش عاوزها تتبهدل… فممكن تشوفلنا
ممرضه تقعد معاها لحد متخف معنديش مشكله..
وتبقا تيجي تشوفها برضو يدكتور..وتجيب حسام معاك..
الدكتور اخو حسام صاحبي: لا الا طنط يا ادهم دي علي راسنا من فوق خلاص ماشي..
بس بعد المحلول الي في ايديها ده ميخلص وانتم روحوا وانا هبعتلك الممرضه..
لميت الحاجه… ونزلت نزلتها الاول في العربيه وماما نزلت معايا وبعدين طلعت اجيب اسراء…
انا يلا يا اسراء…
ومشيت قدامها وهي مشيت ورايا ببص لقيتني في اخر الطرقه وهي لسا ف الاول رجعت..
يلا يا اسراء متمشي…
اسراء: حاسه اني مش قادره اخد نفسي…
انا: طيب اجيبلك ميا…
اسراء لا لا.. بعد مبلعت ريقها..
طيب اجيبلك كرسي؟!
اسراء: لا…شكرا يا ادهم
انا: طيب اشيلك دا الاسانسير هناك اهو..
اسراء: لا طبعًا ايه تشيلني ده؟!
انا: دا انا شايلك لحد دالوقتي مرتين.. بس.
قولتلها كدا بعد مرجعت وسندت علي الحيطه..
يلا يا اسراء…
اسراء بعد مرجعت لورا.. ردت عليا وقالتلي.. يلا ايه ؟!
انا: هاتي ايدك هنمشي انا مش قادر اشيل تاني بصراحه
ومديت لها ايدي.. ومسكتها.. ونزلنا ف الاسانسير…
ماما: كل ده بتنزلو…؟!
انا: معلش يماما اصل اسراء كانت دايخه.. وانا قولتلها اشيلك وهي مرضيتش.. يرضيكي يماما…
وروحت متدير وبصيت ل أسراء.. راح وشها جايب الوان..
ماما… ليه يا اسراء مخلتيهوش يشيلك مش جوزك ده؟!
اسراء: اممم.. اه يا دماغي…
انا: اديرت بسرعه وقولتلها بكل تريقه خبيثه كدا.. مالها دماغك يا اسراء…
شكلها داخت ودماغها وجهتها من العربيه يماما…خالص قربنا نوصل اهو…
ماما: والله انا خايفه عليكم تتحسدم.. انتم شكلكم محسودين..
انا: يلا يا ماما علشان اطلعك الشقه..
ماما:لا انا جايه معاكم… مش هسيب اسراء كدا.. مش شايفها لسا تعبانه وبعدين دي مش ام حفيدي؟!
انا: هو فين حفيدك دا يماما؟!
ماما: انت بتسألني انا يا اخويا…
انا في سري دا انتي مشكله يماما…
وصلنا باب الشقه..
ماما: عندكم ايه يتطبخ يا ادهم…
اسراء: متتعبيش نفسك يماما.. انا هقوم اطبخ علشان تتغدي معايا…
ماما: هو مين الي تعبان ومين الي سليم ومين الي جاي مع مين بس يربي اقعدي يا اسراء نامي انتي وارتاحي وتعالي
انت يا ادهم علشان تساعدني…
انا.. اناا.. يماما..
ماما: اه انت.. وفتحت التلاجه..هو في غيرك.
ايه ده بسم الله ما شاءالله تلاجتك مليانه يا ادهم وبتكب ايه كل ده دا انتم نفرين يا ابني..لا بس طلعت كريم يواد يا
ادهم…
وطبخنا وخلصنا ولاول مره في حياتي ماما توقفني معاها في المطبخ..
واسراء الممرضه جات قعدت معاها شويا لحد منامت وبعدها مشيت
بعد الأكل مخلص…
روح يا ادهم صحي مراتك علشان نتغدا..
انا: متروحي تصحيها انتي يماما…
ماما: متنجز يا ادهم عقبال مرص الأكل علي السفره..
دخلت الاوضه.. وبصيت عليها وهي نايمه حسيت اني توهت فملامحها…نايمه زي الملايكه بجد… شعرها مفرود علي
وشها.. بعض الخصل.. وخدودها حمره علشان لسا عندها سخونيه وال ايه.. طلعت اجري حطيت ايدي علي رأسها لقيت
في حراره بس مش زي الأول..
لقيت حاجه جوايا بتقولي انت حبيتها ولا ايه..؟!
)الحب ليس بأيدينا.. الحب هو اجمل شيء يجمل الحياه في روحنا وقُلوبنا وعيوننا..الله من يزرع الحب في
قلوبنا..رُب ما هذا ليس بأيدينا الله هو منُي حدث تلك الصدف بكل تدبير واحكام ووقت معين..بالنسبه الينا مجرد صدفه..
وُر بما هى الأفضل والفريده من نوعها.. وُر بما لا تأتى الا مره واحده(
قربت منها اسراء يا اسراء… اصحي علشان الغدا..
لقيتها بتفتح عينيها وبتقولي طيب تمام جايه…
ماما رصت الاكل ومستنين مجاتش.
ماما: متروح يا ابني تشوف مراتك.. روحت لقيتها نايمه..
انا: يا ماما نايمه…نامت تاني..
ماما: طيب طفي النور وسيبها نايمه كمان شويا وانا هأكلها لما تصحا.. المحاليل الي بتاخدها دي بتسقع وتتعب اكتر
وتنيم.. وعلي فكره بقا مراتك تعبانه اووي.. وخلي بالك منها شويا…
انا: اشمعنا يماما اختارتيلي ديه بالذات؟!
ماما: وليه متقولش ان مجرد سبب وانها قسمتك ونصيبك!!
لعلمك ربنا بيحبك علشان كدا خلاها نصيبك وبالوقت هتلاقيها شبهك اكتر واكتر..
ربنا بيقول
وفجاه لقينا الباب بيخبط…
قومت افتح لقيت مرات ابوها…
ماما: وليه متقولش ان مجرد سبب وانها قسمتك
ونصيبك
لعلمك ربنا بيحبك علشان كدا خلاها نصيبك وبالوقت هتلاقيها شبهك اكتر واكتر..
ربنا بيقول
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ)
وفجاه لقينا الباب بيخبط…
قومت افتح لقيت مرات ابوها…
انا: مين؟!
كنت عارف بس حبيت استعبط..
مرات ابوها: ازيك يا ادهم يحبيبي.. انت متعرفنيش بجد؟!
ماما: مين يا ادهم.. اتفضلي يحبيبتي..
الست دخلت…
ماما: اقعدي اتغدي معانا..
قوم يا ادهم اغرف لحماتك..
قومت جبتلها اكل وقعدت كلت..
ماما: قوم يا ادهم اعملنا الشاي..
مرات ابوها: اومال فين اسراء؟!
انا ف سري.. هو انتي لسا فاكره تسألي؟!
ماما: نايمه والله وتعبانه..
مرات ابوها: بس برضو ميصحش تسيبك كدا انتي وجوزها ومتقومش تأكلكم وتشوف طلباتكم..
ماما: بقولك تعبانه..
مرات ابوها: طيب هي فين وانا ادخل اشوفها…
انا: مش قولنا نايمه!!
بصيتلي الست من تحت لتحت وقالتلي.. يعني مش هعرف اشوف بنتي التعبانه ولا ايه..
انا: ال اعرفه انك مرات ابوها مش امها الحقيقيه.. ولا ايه..
الست: دا انا الي مربياها عيب عليك كدا يا ادهم.. دي بنتي..
هي قالتلك حاجه وحشه عليا ولا ايه؟!
لا لا دا انا طول عمري شيلا اسراء ف نن عيوني وانا ال مربياها.. وهو دا داء فيها بتفضل تكدب وتوقع مبين الناس..
انا بنرفزه: توقع مبين الناس؟!
مانا: خلاص بقا.. ادخلي شوفيها يحبيبتي.. وصلها يا احمد..
انا: اتفضلي
دخلت باب الاوصه وفضلت واقف وراه..
سمعتها بتقول:متصحي اسراء ولا هتعمليلي مستموته فيها؟!
اسراء:انتي ايه الي جابك هنا؟!
مرات ابوها: لا امك دعيالك يعني ايه العز الي انتي فيه ده.. ولا جوزك ولا حماتك وطيبيتها..
اسراء: عاوزه ايه؟!
عاوزه فلوس..
اسراء: فلوس ايه.. وليه؟!
ملكيش فيه ليه…
المهم انك تجيبيلي فلوس يا اما هطلع اشحتهم من جوزك وحماتك وافضحك بقا.. وانا عارفه نفسك عزيزه عليكي اووي…
يتبع….