ابتسمت للدكتور وقتها وقالتله الحمدلله..
ممكن اصلي؟! من فضلك
الدكتور:مينفعش تقومي من مكانك دالوقت
او ًلا…لأن كل المحاليل مخلصتش لسا هي وكيس الدم..
ثانيًا… لأنك لو قومتي وقفتي هتقعي تاني مره واحده..
وبعدين متنسيش ان درجه حرارتك لسا مستقرتش..
جالي مكالمه.. لقيتها ماما بتتصل…
انا: بقولك ايه هطلع ارد ع ماما وهي شكلها في الطريق وجايه… ف احنا قدامها ايه؟!
اسراء: ايه؟!
انا: اسعد زوج وزوجه علي وش الارض الخرابه ديه..
وطلعت بره ونزلت اجيب قهوه.. انا قايلها اني هغيب عشر دقايق كدا…
بس قبل القهوه كلمت مانا وجيبتلها شنطتها وخطيتلها فيها نقاب
رجعت بعدها الاوضه ملقيتهاش..
سالت الممرضه
الممرضه: هي قالتلي عاوزه اروح الحمام.. ف شيلتيلها المحاليل والحاجه…
انا بصدم#مه: ومروحتيش معاها؟!
هي:لا مرضيتش..
انا: فين الحمام؟!
عارفين مشكله الممرضات بعضهم الي ف المستشفيات الخاصه والعامه قله الضمير… ومع انها خالفت كلام الدكتور انا محبتش اتكلم واعمل ليله وعديتها… بس المشكله دالوقت ان ده حمام سيدات.
. انا هدخل ازاي؟!!!!!
فضلت واقف قدام الحمام ومبنطقش…
واقف دقيقه.. اتنين.. تلاته… عاوز اكلم اي واحده داخله تندهها او تشوفها بس محرج… ماما لاص علي وصول اصلا..
خمس دقايق لقيت فى صوت في الحمام عالي.. وبعدين واحده طلعت بسرعه وكانت بتمد كدا
انا: لو سمحتي في ايه جوا؟
هي: في واحده كانت بتنوصا واغم عليها جوه هروح انده الدكتور..
انت تعرفها؟
لقيتني تلقائى دخلت بسرعه الحمام….
لقيت واحده هترش ميا علي وشها قولتلها… شششش… مترشيش.. وشيلتها من علي الارض ومشيت لحد موصلت لباب اوضتها وكل المستشفي كانت بتتفرج عليا بمعني الكلمه..
الكلمه.. وقتها بعد محطيتها علي السرير زعقت للمرصه وقولتلها اندهيلي الدكتور…
علي دخله ماما…
ماما بخوف: مالها اسراء؟! انت عملت فيها ايه يا ادهم؟! وبتزعق كدا ليه؟! وكمت شايلها وماشي ليه..
انا بنرقزه: هكون عملت فيها ايه يماما؟!!
لقيت ماما بصيتلي وبصيتلها وبدءت الدموع تجري في عينيها وهتعط
انا بنبره حنينه: والله يا ماما دا انا حاطتها في عيني دا انا لو لفيت الارض دي كلها مش هلاقي واحده زي اسراء.. وسمعتلها الكلمتين الي هي قيلاهوملي اصل
ماما: اومال هيا مالها..؟!
انا: دي جالها دور سخونيه بس وعندها انميا…
لقيت الدكتور دخل ف اللحظه ديه…
كشف عليها وعلق لها المحاليل.. واول مخرج خرحت وراه.. قولتله بقولك اي يدكتور.. انا مراتي دماغها ناشفه جايبها اخر مره كانت واقعه في الحمام… ومبتريحش نفسها.. ف اديلها منوم ولا حاجه…
لدكتور: اصلا التعب الي فيها يهد جبل… انت مش شايفها عامله ازاي؟!
انا: بقولك يا دكتور جايبها واقعه في الحمام والا وتتوضي وتنزل تصلي ولما بتقوم بتمشي من غير متقولي
الدكتور: طيب تمام…
انا: وطلب اخير.
طمن امي بس وقولها انها هتبقا كويسه وان مفيش حاحه علشان هي مريضه قلب وجلطه وكدا..
الدكتور: طيب تمام…
دخل الأوضه فعلا وعمل كدا…
اجيبلك حاجه تشربيها ي ماما او تاكليها؟
ماما: مش لما مراتم تفوق ونطمن عليها يا ادهم؟!
تعالي ننزل ناكل..ولا اقولك هجيبلك الاكل هنا..
ماما: طيب وطي صوتك علشان خاطر مراتك تعبانه…
نزلت جبت الاكل وطلعت وجه بالليل…
ماما: روح… روح انت يا ادهم وانا هفضل معاها
انا: لا يا ماما روحي انتي تعبانه وانا هفضل معاها…
ماما:يحبيبي انت منمتش ولا ثانيه..
انا: لا يا امي انا هبقا قلقان عليكي…
قصدي.. قصدي عليكم…
اصرت وفعلا روحت.. وظبطت المنبه علي الساعه 6 الصبح بس معرفتش اصحا… صحيت ع 12 الضهر صليت ولبست وطلعت اجري..
اول موصلت..
لقيت اسراء صاحيه وماما قاعده جنبها وبتاكلها..
اسراء: عامل ايه يحبيبي؟! ماما قالتلي انك منمتش امبارح طول الليل؟!
وحشتني..
انا تنحت
وسكتت شويا وبعدين جاي اتكلم تهتهت وقولتلها انا… انا… الحمدلله.. انتي ايه اخبارك..
ماما: بتقولك وحشتني يا ادهم مترد علي مراتك..
انا بتهتهه:ارد!! حاضر يماما… وانتي كمان وحشتيني اووي يقلبي…
راحت اسراء وقتها ضاحكه ضحكه خبيثه كدا..
انا: انزل اجيبلك فطار يماما؟!
ماما: بدل متسالني اسأل اسراء يا اخويا..
انا: اسراء يماما بتاكل من المستشفى بمواعيد…
ماما: ليه هو اكل المستشفي دا اكل؟! ولا بقولك ايه انت
تنزل تجيبلي فرختين مشوين وسلطات بقا وتظبطلي الليله كدا… سامع؟!
انا:فرختين ليه يماما؟! هي والده؟!
ماما: يسمع من بوئك ربنا يا ادهم…
يلا يا ادهم يحبيبي قوم كدا ومتجيش من غير ال قولتلك عليه…
اسراء: مكنش له لزوم والله يطنط تتعبي نفسك وبتباتي امبارح..
ليه يا اسراء بتقولي كدا؟! هزعل منك والله.. ليه ما انتيش عارفه معزتك ف قلبي عامله ازاي؟!
الواد ادهم ده زعلك؟! قولي بصراحه..
اسراء: لا خالص يماما.. دا حتي طيب معايا جدًا والله…
نزلت وجيت بعدها بنص ساعه.
خدي يماما كلي انتي الفرختين وسيبيها تاكل الأكل ال هنا ال الدكتور قال عليه…
علشان الدكتور ميتكلمش..
ماما: ولا اقفل الباب ده واتذنب كدا وحط الكرسي وراه لحد مأكلها..
اسراء بضحك: مش جعانه والله يماما..
ماما: لازم تشدي حيلك كدا وتاكلي كويس يا اسراء..
وبصوت عالي.. ادهم.. سمعت قولتلك ايه؟!
انا: حاضر حاضر يماما.. شديت الكرسي وحطيته ورا الباب وحطيت رجل علي رجل واخيرا هفتح فيس وارد علي ال 100
رساله ال بعتاهوملي 100 بنت.. اخيرا…
ماما: نزل رجل من علي رجل يا ادهم وانزل جيب الميا والشاي وهاتلك نسكافيه.. يلا يحبيبي كدا..
رفعت راسي وبصيتلها…
ماما:اه ول اسراء عصير…
واسراء هاتك يضحك..
نزلت وطلعت لقيت ماما بتديلي ساندوتش..
انا: دا ال فاضل م الفرختين؟!
ماما: لا يحبيبي هعملك كمان ساندوتش خلص ده بس الاول…
باكل ف اول قطمه…
ماما:ها بقا هتجيبولي حفيد امتا علشان الحق اشوفه قبل مموت..
انا: اح.. اح… وفضلت اكح وشرقت..
ماما: مالك يا ادهم بتموت ولا ايه؟!
واسراء نازله ضحك
انا بعدها بشويا: متروحي بقا يماما علشان تريحي شويا…
ماما: طيب متروح انت يا اخويا…
بص انا رايحه الحمام وراجعه خلي بالك من مراتك علي بال ماجي…ومشيت
اسراء: علي فكره مامتك كانت مصره انك عذبتي او ضربتني… او انت السبب.. فعلشان كدا اتكلمت معاك كدا اول
مجيت..انت برضو ملكش ذنب..
انا: لا بس طلعتي ممثله بارعه اهو..
جه وقتها الدكتور…
الدكتور:لا خالص احنا كنا فين وبقينا فين..
انا: مينفعش يدكتور تخرج من المستشفي بقا…
يتبع….