اسراء بضحك: الله.. القرع دا اتا هعمل فيه ايه انا مش عارفه بيتعمل ازاي…
ادهم: فين الغدا علشان ميت من الجوع يا….
اسراء: سراء..
بصيتلها وقولتلها يا اسراء وابتسمت.. وهي كمان ابتسمت..
جابتلي فراخ ومكرونه وجابت النسكافيه وجات قعدت جنبي علي السفره..
اكلت وبعدين لاحظت انها مجبتش طبق لنفسها وقاعده ساكته وبتتفرج عليا..
انا: مش هتاكلي يا اسراء؟!
اسراء: مش جعانه..
سابتي لحد مخلصت اكل..
انا: علي فكره اكلك حلو..
اسراء:شكرًا..
بصيتلي بعد ممسكت مج النسكافيه فى ايديها الأتنين.. وقالتلي.. انا امبارح بس وقت مكلمتك بزعيق قررت اني مش هسكت علي اهانه تاني في حياتي…
متفتكرش او تتخيل ان في واحده وافقت تتجوزك خلال أسبوع من وقت متقدمتلها بأرادتها..
انا اسراء عمري 24 سنه خريجه صيدله حفظت القراءه وختمته وانا عندي 20 سنه ماما الله يرحمها هي الي حفظتني القراءه كله.. كانت بتحفظ ناس كتير ومن ضمنهم والدتك.. بس ماما ماتت في نفس السنه دي.. وبابا اتجوز واحده.. كانت مرات اب بمعني الكلمه.. قصيتلي شعري مره وانا نايمه.. وريتني ايام ميعلم بيها الا ربنا وعلشان بابا طيب مكنش بيقدر يكلمها.. كنت كل يوم بتهان بمعني الكلمه.. لدرجه اني قررت انتحر مره… بس مقدرتش..
كان بيجيلي عرسان وهي كانت عاوزا ترميني اي رميه وخلاص.. لحد مفيوم والدتك قابلتني وعرفتني وافتكرتني..
وبعدها عرفت ان العريس الي متقدملي ابنها… فوافقت علشان اخلص من شر مرات ابويا…
وعيونها دمعت في اللحظه دي وقالتلي فلو هنا كمان شر.. قولي..
مش هقولك علشان انتحر.. لان انا عمري مرتكب الجريمه ديه. بس قولي علشان اعرف اخد حقي…
يومها بابا كان تعبان جدا وفضل يتحايل عليا ويقولي وافقي يا اسراء علشان تخلصي منها..
وقامت وقفت ومسحت دموعها وقالتلي حكايه مأساويه صح….
تصبح علي خير..
انا: شكرا يا اسراء علي دعوتك ليا النهارده.. انا اترقيت بسببها..
بصيتلي وابتسمت ودخلت…
انا في سري..
هفضل ع الوضع ده لحد امتا..؟!
ليه كدا بس يا امي..
خرجت اسراء الساعه 9 من اوضتها وقالتلي..
انت مبتصليش ليه يا ادهم..
انا: مش عارف..
اسراء: انت متخيل ان 5 دقايق في كل صلاه كل يوم تقف فيهم قدام ربنا بيحموك من نار جهنم..
عارف يا ادهم انت لو صليت حوالي 27 يوم ورا بعض وقررت تاخدها تحدي عمرك مهتقدر توقف صلاه بعدها غصبن عنك مش بمزاجك علي فكره..
كل حاجه بتبقا بدايتها فكره
ادهم: طيب نتراهن..
27 يوم بس بجد..
اسراء بأبتسامه: اه حوالي 27 يوم..
ادهم: خلاص اشطا..
اسراء بأبتسامه:اشطا..
هبقا اصليك لصلاه الفجر بقا..
ووانا معدي من قدام باب اوضتها الساعه 12 سمعتها بتعيط بس مشيت ومخبطتش..
تاني يوم روحت الشغل..
حسام: شكل الجوازه ديه وشها حلو عليك يا معلم…
بصيلي فيها.. يا اخويا اكتر ما هي ناقصه..
هي طيبه وكل حاجه بس انا لسا مبحبهاش..
طلعت من الشغل روحت ابص علي ماما.. كانت اختي الكبيره قاعده معاها..
انا: ازيك يا ناما عامله ايه دالوقتي…
ماما: مليكش دعوه بيا المهم انت عامل ايه..
انا: انا الحمدلله والله يماما..
ماما: انا بخير طول ما انت مبسوط كدا ومريحني…
مجبتش اسراء معاك ليه يحبيبي..
انا: امم اممم. علشان انا طلعت من الشغل علي طول ومقولتلهاش
ماما: المره الجايه متجيليش من غيرها… وتحطها في عينك يا ادهم.. اسراء دي لو لفيت الدنيا دي بحتلها مش هتلاقي زيها.. خليك فاكر الكلام ده كويس..
نرلت من عند ماما بعد محلفت عليا اتغدا معاهم وروحت علي الساعه 9 بالليل كدا بعد مقعدت مع اصحابي شويا..
دخلت من باب البيت لقيت النور مطفي.. واسراء في اوضتها.. قولت مممن تكون نايمه بقا..
دخلت المطبخ علي الساعه 11 ملقيتش في طبيخ معني كدا انها مدخلتش المطبخ..
انا في سري: وانا مالي بيها دا انا بتمنا تختفي من حياتي.. مش هخبط عليها لاء…
ايه ده انا مصليتش العشا لسا..
روحت اتوضيت وصليت العشا وظبطت المنبه علي وقت صلاه الفجر..
صحيت وروحت اتوضيت وقولت اصحيها بقا علشان تصلي الفجر وامري لله
مهيا صحيتني امبارح اردهالها وتبقا خالصين..
روحت وقفت قدام باب الأوضه وخبطت..
يا اسراء… اسراء مبتردش… فضلت تخبط لمده 3 دقايق ومفيش صوت..
قلقت روحت فاتح الباب لقيتها نايمه علي السرير…
روحت وقفت جنبها وبصيت علي وشها لقيته احمر خالص وبيطلع نار…
انا: اسراء.. اسراء اصحي علشا صلاه الفجر…
سمعتها بتقول.. والنبي يا ماما خوديني معاكي والنبي…
حطيت ايدي علي دماغها لقيتها سخنه جدا…
فضلت اكلمها.. بردو في دنيا تانيه…
روحت جبت مبا ساقعه وتلج وفوطه وفضلت اعملها كمادات بس مفيش حاجه بتتغير وانا اصلا مش عارف اتعامل.. ولا بعرف في الحجات دي ومفيش
هنا علاج…
مسكت التليفون واتصلت بحسام…
الو يا حسام..
اسراء تعبانه ومبتنطقش وانا مش عارف اعمل ايه..
حسام كان نايم: اسراء مين يا ابني..؟!
انا: الي انا متجوزها..
حسام: مراتك يا ادهم.. متقول مراتي
بص اخويا في المستشفي دالوقت هكلمه واجيلك وناخدها علي المستشفي….
انا: لا لا خليك انت كلمهولي بس وانا هروحله…
نزلت الاول فتحت باب العربيه وبعدين طلعت شيلتها ونزلت وحطيتها في العربيه واول موصلت المستشفي.. الدكتور اخو حسام جالي بنقاله علي طول واخدها بسرعه…
البنت ديه صعبانه عليا جدا..
اخو حسام: ازاي سيبتها لحد متوصل للمرحله ديه دي محتتجه نقل دـm من كتر ما هيا مبتاكلش.. وكمان درجه حرارتها عاليه جدا…
احنا مش لاقيين كمان فصيله دمها يا ادهم.. لازم تتصرف بسرعه اخو حسام: ازاي سيبتها لحد متوصل للمرحله ديه دي محتاجه نقل دـm من كتر ما هيا مبتاكلش.. وكمان درجه حرارتها عاليه جدا…
احنا مش لاقيين كمان فصيله دمها يا ادهم.. لازم تتصرف بسرعه..
فصيله دمي حتي مكانتش زى فصيله دمها… فضلت اتصل بصحابي لدرجه اني نزلت صحيتهم وجيبتهم من بيوتهم فى نص الليل…
وفضلت ادور كتير… لحد م لقينا الفصيله الحمدلله…
مش عارف ساعدتها ليه… ربُ ما خوفًا عليها كروح خلقها الله لا اكثر ام انني…. ؟!
نمت ع الساعه 10 على الكنبه الي ف وش سريرها…
انا كأدهم بكره مستشفيات الحكومه طول عمري… علشان الاهمال ال دايمًا فيها.. مع اني عارف ان المستشفيات الخاصه استغلاليه.. لو واحد م١ت قبل اليوم ميكمل مبيقولوش لأهله غير بعدها بيوم علشان يحاسبوهم علي اليوم ده.. مش مهم.. مش موضوعنا…
قلقت وقومت ع اذان الضهر..
وقومت اتوضيت ونزلت صليت وطلعت
طلعت لقيتها بتفتح عيونها..
اول كلمه قالتهالي هي عايزه اصلي…
انا: ما انتيش شايفه نفسك يا اسراء دا انتى ميته خالص يا ماما.. دا دراعك مركبينك فيه دـm والتانى محاليل..
بصيتلي وعيطت وقالتلي.
بالله عليك
انا: الدكتور علي وصول.. هنقولوله ونشوف ايه…
لقيتها بترفع ايديها وبتحركتها وهي فيها الدم والمحلول هيقع..
انا:بتعملي اي يا اسراء كيس الدم هيقع.. اسراء بلم شعري علشان اغطيه علشان الدكتور جاي..
هو انا جيت هنا بشعري كدا؟!
سكتت بصراحه مكمتش عارف اقولها ايه م انا مش بنت وبخرج اكيد طبعا من غير طرحه يعني.. ف نسيت الحوار خالص.. انا:ها يا اسراء.. اصبري هنزهلك علي الممرضه تلمهولك وتلبسك الطرحه
طالع انده ع الممرضه لقيت الد َكتر جاي من اخر الطرقه..
دخلت بسرعه وقفت جنبها ومسكت شعرها
هي: بتعمل ايه ؟!
انا: بالمهولك
هي: لا سيبه خلاص انا هلمه
انا هاتي الطرحه دي هاتي الدكتور جاي..
اسراء: اجيب طرحه ايه؟! الطرحه ف الاسدال اهيه… هو انا جيت هنا بالاسدال ده؟!
انا في سري: يا ابن الكلب يكداب…انا مoت م الخوف!! مش للدرجادي يعني…
يتبع….