قربت من أوضة حماتي، سمعت صوت تلفزيون شغال جوا، مش فاهم ازاي..
كل دا حصل ومراتي نايمة، ولما صحيت محكيتلهاش اي حاجة منه لأني مش مستعد اسمع تفسيراتها الجميلة خااالص..
في خامس يوم ليها في البيت وتحديدا الساعة 2 بالليل الكهربا قطعت عن المنطقة كلها للمرة التانية وفضلت اوضتها بس هي اللي منورة، كنت واقف في المطبخ بعمل شاي ومراتي نايمة كالعادة..
والسكر كان خلصان، قعدت ادور في المطبخ عن كيس سكـr ملقيتش..
فجأة مراتي دخلت المطبخ، ومن غير ما تتكلم فتحت درج من الادراج وطلعت كيس سكـr وقالتلي اتفضل يا حبيبي.. ورجعت الأوضة تاني..
الدنيا كانت ضلمة وأنا كنت شايفها على الضوء اللي طالع من نار البوتاجاز، بس فيه حاجة صغيرة جدا..
اللي اديتني السكر دي مش مراتي..
لا دا شكلها ولا دا صوتها..
ومش حماتي برضو، يا ريت..
اللي اديتني السكر وخرجت دي كانت أمي، الله يرحمها
اللي انا شوفتها في البيت دي تبقى أمي الله يرحمها..
انا متأكد ومقدرش اتلخبط في حاجة زي دي، حتى الجلابية اللي لابساها دي هي آخر جلابية كانت لابساها قبل ما تمـoت، اليوم اللي جاتلها فيه أزمة قلبية وملحقناش حتى ننقلها المستشفى..
في اللحظة دي انا كنت متأكد ان وجود حماتي في البيت يوم كمان هو خـtـر وخطر كبير أوي..
الست دي لازم تسيب البيت فورا بس الأول انا لازم افهم هي بتعمل ايه بالظبط..
بس هعرف دا ازاي وهي خلاص احتلت الأوضة وحولتها لمكان غامض مقفول..
يتبع….