الجزء السادس:
اجت ياسمين ويوسف وابوها وامها يلي ربوها وتغدينا واعدنا واطلع فيها وانا ماسكة حالي وخايفة تنزل دمعتي بعدين ماعد في صبر طلعت فيها وقلتلها في موضوع لازم نحكي فيه طلعت في وقالتلي وانا حابة اعرف شو صار يوم عرسي ليش صرتي تبكي وتعانقيني وتقولي بنتي
بلشت بالقصة وحكيت كل شي صار وامها كملت القصة وهي ساكتة وعم تطلع فينا ودموعها ماوقفت لحظة فجاة وقفت وصارت تصرخ وتقول بكفي ماعد بدي اسمع شي تركوني بحالي وطلعت من البيت لحقها يوسف ومرت فترة وهي رافضة تحكي مع حدى وقت عرفوا ولادي امجد ونغم ورغد زعلو مني ليش خبيت عليهن كل هالسنين ان محمد مو اخوهن وعندي بنت وخاصة امجد وبعد فترة تاقلمو مع الوضع
وبلشت افقد الامل ان ياسمين تتقبلني وماتسامحني بشي انا مالي ذن2ب فيه فرحوا كتير ان لقيت قمروبلشت انا وامها نجتمع كل يوم ونتفق ع كل شي واتفقنا ان اعزمن ع الغدا لحتى نعد مع ياسمين ونحكيلها يلي صار وصرت عد الايام والساعات ليوم العزيمة
مر شهرين وهي رافضة تتواصل معي ليوم كنت اعدة عم اشرب قهوة اندق الباب وقت فتحت
كانت ياسمين طلعت في وعانقتني وصارت تبو2س ايدي
فتنا انا وياها واعدنا نحكي طلعت فيها قلتلها اول ماخلقتي كنتي ملاك وسميتك قمر لان جمالك ماكان في شي بيوصفه حبيتك من كل قلبي ومانسيتك لحظة وقت فقت ومالقيتك حدي فقدت عقلي وبقيت مريضة فترة وابوكي ظلمني وظلمك الله يرحمه ويغفرله
كنت ادعي ربي تكوني مبسوطة وفرحانة بحياتك ويجمعني فيكي وتسامحيني طلعت في وقالتلي من انا وصغيرة حس في شي بقلبي غامض وحاسة في قصة بحياتي انا مابعرفها كنت كل يوم بالليل حس بشعور فاقدته ومااعرف شو هو بس ماكنت متوقعة ان تكون قصتي انا هيك
انا زعلانة كتير ومقهورة من بابا وماما يلي ربوني وماقالولي الحقيقة بس من محبتن الي ماتوقعت للحظة ان مو بنتن من لحمن ودم2ن بس مابقدر اتركن بعد ماربوني وحنو علي وفنو عمرن ليكبروني ويعلموني انا حياتي اتخربطت بعد هالشي وانت امي يلي حملتيني 9شهور وحر2مني منك ونحرمتي مني مابعرف شو بدي قول عنه كيف
قدر يعمل فيني هيك معقول ماحن قلبه علي انا عم ابكي بين ايديه مافي اي مبرر ليرميني وصارت تبكي بقلب محروق
طلعت فيها وعانقتها وقلها سامحيني ياقطعة من روحي بذنب مالي فيه
بوست ايدي وقالتلي انت مظلومة متلي واكيد سامحتك ولاتفكري ان حقدت عليكي ابدا لان من اول كلمة حكيتيها حسيت بحرقة القلب يلي عندك بهالفترة يلي غبت حاولت ان ارجع اتاقلم مع حياتي الجديدة
بس انا مالي مسامحته لبشير ومابدي حدى يذكره قدامي لو شو ماصار مافي اب بيرمي بنته هيك انا ماعندي اب غير بابا محمود بس صار عندي مامتين ماما مريم وماما سـhر وقت سمعتها قالت ماما مريم فرحت من قلبي وضميتها وشميتها
بعد ماخلصنا حكي وبكي اتصلت بمحمد واجا اول ماشاف ياسمين ركض عليها يبوسلها ايديها وراسها وصارو يبكو وقت شفتن هيك ماقدرت ركضت لعندن عانقتن هني التنين وصرت ابكي معن
يتبع….