الدكتور :هي كويسه بس ضغطها رفع شويه عليها عشان كدا هو اللي سببلها الإغماء ولازم العلاج دا تاخدو في وقته
يونس : تمام متشكرين يادكتور
الأب بعياط : سامحيني يابنتي
الام : اطلع بره انا بنتي تعبت بسببك اطلع بره
يونس : طب بعد اذنكوا
الام : متشكرين ياابني احنا تعبناك معانا
يونس : ولا تعب ولا حاجه ياطنط
عند مهند قاعد سرحان وفجاه أخته جت مهند يااابني مهند
مهند :أي يابنتي في أي
سلمي : بنادم عليك من بدري
مهند :معلش ياحبيبتي مش واخد بالي
سلمي :مالك
مهند :شويه مشاكل في الشغل متشغليش بالك
سلمي : ربنا يعينك
مهند :يارب
سلمي : مهند
مهند :أي
سلمي بعياط : بابا وماما وحشوني اوي
مهند خدها في حضنو وقال :احنا اتفقنا علي أي مش قلت ليكي هما في مكان احسن من هنا وهما شايفينا ومعانا
في كل مكان يرضيكي الوقت يزعلوا عشان بتعيطي
سلمي : لا خلاص مش هعيط تاني
مهند :جدعه ويلا بقا علي اوضتك عشان بكره عندك دروس
سلمي : حاضر تصبح علي خير
مهند :وانتي بخير ياحبيبتي
عند يونس سايق العربيه وبيقول عانت كتير في حياتها وأنا اللي هفرحها رن علي مهند
يونس : آلو يامهند انا عاوز اتجوز
مهند باستغراب :تتجوز م انت كنت رافض يابني حكايه الجواز دي خالص
يونس بضيق : هتيجي معايا اخطبها ولا اروح وحدي
مهند :في أي يابني اهدا مش كدا واكيد هاجي معاك
يونس :دا العشم ياصاحبي وهفهمك كل حاجه بكره
تاني يوم الصبح عند خديجه قامت صلت فرضها ورتبت سريرها ولبست دريس لونه زهري وخمار ابيض
عخديجه : صباح الخير يابطوط صباح الخير يادومي