بنت كنت بشوفه كل يوم بيعتدي عليها كنت بخاف منه اوي كان بيشرب ويشتم ويضرب قصلي شعري وكان بيضربني بشكل غريب خدعها باسم الحب ضحكت علي اختها خدته منها كانت نجوي بتتعذب وهي مهمهاش حياه ضحكت عليها حطت عنيها عليه خدته من اختها نجوي اترحمت منه وحياة خدت جزاتها اتشلت جابلها امراض الدنيا كلها وهو مـaـت في حادثه كان سكران وعربية داسته ارتاح وريحنا معاه كنت بكرهه وانهارت في البكاء
آدم هششش خلاص خلاص اهدي وخدها في حضنه انتي تعبتي كتير ولازم ترتاحي انتي تستحقي تتقدري ياكارمن انا راجلك وابوكي واخوكي وحبيبك تعالي
كارمن علي فين
آدم تعالي بس
كارمن الكعب بتاع الجزمه عالي اوي مش قادرة امشي بيه قبل ان تكمل باقي كلامها
حملها ادم علي كتفه
كارمن يامجنون نزلني الناس بتتفرج علينا آدم الناس بتصفرلنا وبتصقفلنا
آدم بضحك خليهم يصفروا ويصقفوا كمان يلا تعالي انزلي وركبها السياره وقفل الباب
كارمن حنروح فين
آدم عندي عاملك مفاجاه
كارمن بخوف مفاجاه عندك في البيت
آدم حتشوفي وطلع بالسيارة
كارمن مسكت ايديه انت عملت فيا ايه
ادم اغمض عينيه حبيتك ده اللي عملته مش اكتر
كارمن انا حبيتك وتعبت من البعد
آدم بابتسامة يلا وصلنا
كارمن نزلت من السيارة وبعدها آدم
آدم فتح باب الشقة اتفضلي
كارمن اول يوم جيت فيه كنت بتدرب هنا كنت بتلعب رياضه الضغط وكان جسمك كله ميه كتت واقفه بتفرج عليك كنت بشوف صورك في المجلات انا احتفظت بكذا صوره قصتهم ورسمت زيهم وكتبت عنك كتير اوي
آدم وايه كمان
كارمن بكسفة ايه اللي انا بقوله و بصت في الارض
آدم رفع راسها عاليا وايه كمان ياكارمن
كارمن غيرت عليك من كل البنات تخيلتك معايا كتير كنت بروح بشتكيلك وجعي كل
يوم كنت بقول امتي حيحس بيا مره اتكلمت عن البنت المسترجله وكنت بتتريق ساعتها لبست الفستان وروحت الحفله وهزت راسها وبعدها غيرت اكتر لما شوفتك في شرم الشيخ مع البنت في الفندق ساعتها اعترفتلك اني بنت اغمضت عينيها من الخجل
آدم خدها في حضنه هامسا في اذنها انا بحبك عاملك مفاجاه تعالي بس غمضي عينيك ووضع يديه علي عينيها
كارمن مشيت بخطوات بطيئة حتي وصلت
آدم خلاص وصلنا فتحي لقت ورد في كل مكان مكتوب باسمها وجنبه تتجوزيني
كارمن بابتسامة جميلة ورجعت حضنته
بحبك اوي
آدم ها موافقة ولا لا
كارمن بابتسامة طبعا موافقة
جلس آدم وكارمن امام المدفاه وخدها في حضنه
آدم حاسس اني بقيت مسؤول عنك
كارمن انت حبتني ليه
آدم الحب مفيهوش ليه
كارمن الوقت اتاخر اوي لازم امشي
آدم مستحيل انا لسه مشبعتش منك
كارمن ولا انا
________
