يوسف _ بجد انا حسيت قوي ان انا غلطان وجاي اعتذرلك على اللي انا عملته ياريت ما تزعليش مني
سهام _ وده من امتى بقى ان شاء الله ده ناسي اللي انت عملته فيا ولا ايه ده انت لغيتلي المواعيد كلها
يوسف _ بجد انا كنت انسان اناني مش بفكر الا في نفسي وبس حقك عليا ما تزعليش
سهام _ ما فيش مشكله بس للاسف انت مش هتقدر تحضر فرحي لو انت بتعمل كل ده علشان خاطر تيجي الفرح
يوسف _ خالص والله كل اللي عايزه انك
تسامحني علي اي حاجه عملتها معاكي
سهام _ مافيش مشكله خالص وبعدها
تاني يوم روحت الاتليه ودخلت ولقيت شيماء
لابسه نفس لابسي بالظبط دريس احمر
وطرحه سودا
سهام _ ايه ده مش فاهمه معقول الصدفه دي
أننا لابسين زي بعض
شيماء _ اه صحيح غريبه قوي بصي يا ستي انا جبتلك اكل علشان خاطر اكيد هتكوني محتاجه اكل
سهام _ بجد يا شيماء انا مش عارفه اشكرك ازاي والله ده لو اختي مش هتعمل معايا ان انتي بتعمليه ده انا كنت خايفه من اليوم ده يجي وانا لوحدي انا ماليش صحاب وماليش حد
شيماء _ والله انتي كويسه وبنت الناس وتستاهلي كل خير على العموم انا معاكي وهفضل معاكي طول اليوم يلا طلعي بقي سندوتش كلي
سهام _ لا خلاص مش دلوقتي خليها شويه بعدها البس الفستان وقعدت كنت بعمل الميك اب وبعدها جابتلي كوبايه شاي
شيماء _ عملت لنفسي شاي قولت اعملك معايا خلاص طالما مش عايزه تاكلي بقى لازم تشربي شاي
