الام..قومي يختي روقي الدار ..واحده فيكم اتروق الدار والتانيه تجيب الطلبات بتاع البيت من الست صالحه
مريم..حاضر ياما..حاضر……..وسابتهم وخرجت….
مريم..قومي انتي هاتي الطلبات ونا هروق الدار
ليله..هتتعبي فيه لوحدك…..
مريم..لا انتي أضر.بتي اكتر مني…انا مش تعبانه..روحي يلا….وقامت لبست ليله وخرجت جابت رز وكذا حاجه وكانت سرحانه في القرف اللي هي عايشه فيه وجاي زين بيتكلم في التليفون ومش مركز فخب.طو في بعض ووقع منها الرز ….ووووو…….
كان ماشي زين وبيتكلم في التليفون ومش مركز وكانت هي ماسكه في ايديها الرز وماشية سرحانه وخب.طو في بعض ووقع منها الرز….بصت هي الرز بغضب واتكلمت وهي باصه عالرز ومشافتهوش…..
ليله بغضب..اييي…انت مبتشوفش انت……ورفعت وشها ركزت في ملامحه لقيته نفس اللي اتض.ربت بسببو واتهانت فغضبت اكتر
زين بهدوء..اهدي كدا…..معلش ما اخدتش بالي…
ليله بغضب اكتر..يا برودك يجدع..انت ماشي تتنيل في التليفون ومش مركز اصلا
زين بنفس الهدوء..بقولك اي انا ورايا شغل …لو عاوزه تتخانقي خليها وقت تاني
ليله..انت معندكش دـm بصحيح…….
زين بدا يزهق والناس اتلمت حواليهم…..
زين بتحذير..امشي من ادامي يا شاطره دلوقتي…..
ليله بزعيق..مش همشي وهات اخرك…….
زين بصوت عالي..جرا اي يا عيلة الشريف…مفيش راجل اكلمه..ولا انتو خرجتو نسوانكم علينا….
اتغاظت ليله اوي وبدون اراده منها رفعت ايديها ضر.بتو بالقلم علي وشو والناس كلها ملمومه…..رفع وشو ليها وبصلها وعينه كانت مخرجه نا.ر لكن مسك نفسو بالعافيه لانو مينفعش يمد ايده علي بنت ومتربي علي كدا من صغره…
زين بغضب شديد وصوت رعب ليله..انتي بتمدي ايدك عليا انا يبت…..
خافت جدا ليله واترعبت كمان وادركت اللي هي عملتو…شالت الحاجه من الارض وجايه تمشي مسك ايدها اوي
زين بغضب..انا هعرف رجاله عيلتك مين هو زين رضوان..والرد عليكي انتي هيبقي من بنت زيك من عيلتنا…وساب ايدها جريت هي وهي مرعوبه ومش مصدقه اللي عملتو وخايفه جدا ابوها لو عرف انها اتكلمت معاه وكمان ضربتو هيقت.لها ..دخلت الاوضه وكانت اختها مريم بتكنس وسابت الكنس وجريت عليها……..
مريم بقلق..مالك يبت اي اللي حصل….