بلعت ريقها مريم بتوتر وراحت عالسرير..بقولك اي انا عاوزه انام..منمتش من امبارح..يلا يروحي تتمسي بالخير
بصتلها ليله بشك كبير فيها وراحت تنام هي كمان………
عدي الوقت وجهه الليل وصحي زين لبس هدومه ونزل يقعد مع أهله شويه وكانت بنت عمه قاعده
فتحي..خلاص اتفقنا يسماح يبنتي علي كتب الكتاب بعد شهرين
سماح بفرحه وكسوف..اللي تشوفو يعمي
زين قلبو وجعو لان سماح بتحبو لكنو مش قادر يستجاب معاها ويديها نفس حبها هو مش شايفها اكتر من بنت عمه
فتحي..اتكلم مع عروستك يبني…عاوزينكم تعرفو بعض بقا…..
هز راسه زين وقامو كل اللي قاعدين ما عدا احمد كان قاعد بيشرب الشاي ويتفرج علي ماتش الاهلي (مبروك للاهلي طبعاا..اهلاويه وافتخر❤️)
واحمد مش مركز معاهم اصلا…….
زين..عامله اي ……
سماح بكسوف..الحمدلله ونت
زين..فل الحمدلله….بصي يسماح انا لحد دلوقتي مش قادر اشوفك غير بنت عمي فمش عارف هل هقدر اكون الزوج اللي في دماغك ولا لا فاتمني تساعديني فالحته دي…..
بصتله سماح..بص يزين..اهم حاجه تكون مش شايفني اختك……
زين..لا مش للدرجه دي……….
سماح بخبث..يبقا خلاص….انا عمري ما هسيبك يزين ولا هبعد عنك..واي حد هيفكر يقرب منك …انت مش عارف ممكن اعمل فيها اي
بصلها زين باستغراب شديد..هو متعود انها ديما باصه في الأرض ومش غشيمه كدا….فضلو يتكلمو شويه…..
صحيو عيلة الشريف
زيدان وراسه تقلان.. اي دا هو اي اللي حصل
حسن بنعاس شديد..ابوي ..انا هدخل انام كمان شويه…….
ودخلو نامو تاني كلهم لان المنوم دا بتخليهم همدانين لمده يومين وديما حاسين انهم عاوزين ينامو
صحيت مريم باليل تتسحب عشان تقابل احمد زي كل يوم لكن حظها ان اختها ليله صحيت واستنتها تمشي شويه ومشيت وراها منغير ما تحس….
