: متتأسفيش امى استحالة تقول لحد حاجه عشان هتخاف عليا من جدى وابويا
: تمام
لاحظت ورم فى ايده مسكتها بخوف
: ايه دا
افتكر اللى حصل لما ض.رب ايده فى البلكونة
: اتخبطت فيها
: يا ربى دى مورمة اوى
: متخافيش هتبقى كويسة
فتحت الدرج وجابت منه علبة الاسعافات وطلعت منها مرهم مسكت ايده بحب كبير وبدأت تحطه
بصلها بحب وهو بيبتسم مكنش حاسس بوجعه ولا مركز عليه اد ما كان مركز معاها هى لاحظت بصته وكملت بخجل
: الف سلامه
: الله يسلمك
: تصدق حلوة الجلبية عليك
ابتسم فظهرت وسامته اكتر : دا عشان انتى اللى شايفنى بس
: بجد شكلها حلو ومبينة عضلاتك
: تمام يلا عشان هننزل نتعشى معاهم تحت
: تمام
نزلوا يتعشوا معاهم
الجد : ازيك يا ريم
: تمام يا جدو الحمد لله
: مفيش حاجه جاية فى السكة عايزين نفرح
ريم بصيت لياسين بخجل
ياسين بغمزة : قريب يا جدى احنا هنسافر بكرة إن شاء الله
: ليه يا ابنى ما انتوا قاعدين
