فقال بسخرية : مش كنا محتارين ازاى جمال عرف مكانك ووصلك بعد السنين دى كلها اهى طلعت الهانم هى اللى دلته على مكانك بس اللى مجننى بقه يسرا عرفت حكاية جمال معاكى منين
منى
فقال بذهول : ايه منك انتى ازاى
فيوم وانا والولاد فى النادى جاتلى يسرا قالت انها سألت عليا فى البيت ولما عرفت انى فى النادى قالت تيجى تقعد معايا شوية انا كنت قاعده معاها لوحدى والولاد كانوا فى التدريب بتاعهم فهى سألتنى عن حكايتى مع شريف وازاى اتعرفت بيه وكده يعنى
اه قومتى أنتى بقه حكيالها على كل حاجة
ايوة مكنتش اعرف انها عوزة تعرف حكايتى عشان تدبرلى مصـiبة زى دى بس ليه تعمل معايا كده أنا مأذتهاش فى حاجة
شهاب بارتباك : اصل يسرا عرفت موضوع انك مراتى وشكت يعنى انى
شكت فى ايه
انى يعنى بحبك
ليه انت معرفتهاش ان جوزنا مجرد جواز على ورق
فقال بغيظ قولتلها يارهف ثم أكمل بحزم بس الحقيقة بقه انى فعلا بحبك
رهف بذهول : ايه انت بتقول ايه يا شهاب
فهب واقفا وجذبها من يدها لتسير معه قائلا : تعالى معايا
شهاب بتجرنى كده ليه
تعالى بس
وجدته فجأة يقف أمام غرفة خلف الفيلا تراها لاول مرة
ايه الاوضة دى انا اول مرة اشوفها
دى المرسم بتاعى انا اللى بنتها بنفسى بعيد عن الفيلا عشان اقعد ارسم فى هدوء
ثم أخذ يبحث فوق الباب عن شىء وبعدها رأت فى يده مفتاح فتح به الغرفة وأضاء النور
أدخلى يا رهف تعالى ممكن تروحى تشيلى الغطا اللى على البورتريه اللى هناك ده
