واخدت نفس طويل بأريحية و ابتسمت بانتصار كأن الڼار اللي جواه انطفت
مارد وانجل والعيلة كلها اتجمعت ع الاكل
ومارد بلغ عزيز أنه هيحول لانجل علي كلية الهندسة
فريدة كانت طول الاكل بتبص لجميلة نظرة حـqد وغل وبتقول في نفسها ازاي طول السنين دي كلها ما شاكتش لحظة أن عزيز كان متجوز جميلة أنا كنت
متأكدة أنه بيخوني معاها بس توصل أنه يساويها بيا ويتجوزها دا أنا مستحيل اقبله
خلصوا غدا ومارد وانجل خرجوا يتمشوا في الجنينة كانوا ماشين بعيد عن بعض قامت انجل مسكت ايد مارد هو بص علي أيديهم وابتسم وبص لها وقال … انجل حماصة فاق من الغيبوبة حبيت اعرفك عشان ما تقوليش عليا قتال قتلة تاني مرة
انجل همست .. فاق بصت لمارد وقالت
.. أنا عايزة اشوفه يا مارد
مارد بحدة .. ليه
انجل …عايزة أسأله عن ماما
مارد … امم اوك يلا اطلعي غيري هدومك هنروحله
انجل بدلت هدومها بسرعة ونزلت وركبوا العربية وراحوا ع المستشفي
في المستشفي
وصلوا قدام اوضة حماصة
مارد قال لانجل .. استني شوية هنا ما تدخليش
دخل مارد وانجل فضلت مستنياه برا
حماصة كان نايم قام مارد وكزه في رجله بإيده جامد حماصة صحي مخضوض
مارد بحدة قاله… اسمع تالية هتدخل دلوقتي عينك لو اترفعت وبصت عليها هعيشك باقي عمرك أعمي فاهم
حماصة پخوف … ف .. فاهم ياباشا
مارد فتح الباب لانجل وهي دخلت كانت متوترة قام مارد حاوطها بدراعه وبص لها يعني كأنه بيقولها أنا معاكي
انجل بصت لحماصة بقرف وقالت … ماما فين أنا عايزة أشوفها
حماصة بدهشة … ليه انتي ماعرفتيش أنها ماټت من سنتين ولا ايه
انجل حطت إيدها علي بقها پصدمة وعينيها اتملت دموع وقالت … ماټت
حماصة … ايوا ماټت وكان آخر أمنية ليها أنها تشوفك وتقولك سامحيني دي حتي طلبت مني الطلاق بعد مالقوا چثة طفلة غرقانة في النيل واشتبهوا أنها انتي امك بعدها اتعذبت اوي واحساسها بالذنب قضي عليها كانت بتحمل نفسها مسؤلية موتك
مارد بص لانجل بعد اللي سمعته لقاها تقريبا مش قادرة تتنفس من شدة الصدمة وهي بتتخيل قد ايه والدتها اتعذبت بسببها كان ممكن ترجع وتطمن ماماتها بس رفضت كأنها نسيت في اللحظة دي اوضة الفيران والحبس باليوم والاتنين افتكرت بس صوره ماماتها قبل حماصة مايدخل حياتهم
مارد صړخ وقال …كفاية انت ايه
انجل اڼهارت وهبطت مابقيتش قادرة تقف علي رجيلها مارد شالها وكان ھيموت م القلق نزل بسرعة ركبها العربية وركب وطول الطريق بيسوق بإيد والايد التانية ماسكة ايد انجل اللي مش حاسة بأي حاجة وبتبص للاشئ ودموعها نازلة ف صمت
وصل مارد القصر وشال انجل وطلع علي أوضتهم انجل بصت لمارد واخيرا اتكلمت وقالت … عايزة ابقي لوحدي