منه بغضب زقته لبعيد : انت مجنون اي ال انت هببته داه
رامي بص لنادر وكأنه بيتحداه
نادر كان واقف من الصدمه مش عارف يتكلم تخيل خيانة والدته لوالده حس انه ممكن يتحط ف نفس الموقف
كان ف ايده المفاتيح بتاعته فضل دايس عليهم جامد لدرجة ان ايده اتجرحت وبدأت تنزل دـm
منه بتعجب : انت بتبص لمين
وبعدين بصت لقت نادر واقف قدامهم بس بعيد
منه بذهول : نادر
نادر حس انه مش ف وعيه وممكن يتصرف تصرف غـbي تمالك نفسه ودخل بسرعه الجامعه
منه سابت رامي وطلعت تجري وراه
رامي بص حواليه وقال بتنهيده : ولا كأني موجود
منه دخلت ورا نادر شافته وهو طالع السلم فضلت تطلع وراه لحد ما وصل السطح
نادر قعد ع ركبته وفضل يبكي
منه لحقته وراحتله
: نادر انت كويس
نادر ببكاء : انا ليه بتعاقب ع ذنب معملتوش
منه ساكته
نادر ببكاء: لحد امتى هيفضل الكابوس داه يطاردني
منه : اذا كان والدتك غلطت فمش كل البنات زيها سدقني
نادر بغضب وعصبيه شديده مسكها من دراعها جامد وقالها
: ولما مش كل البنات زيها انتي كنتي بتعملي اي مع رامي
منه بخوف وألم : انا انا
نادر زقها لبعيد : كلكوا زي بعض
منه بعصبيه وبكاء وهي ماسكه دراعها من الألم : تفكيرك هو ال غلط انت لما قولت انك معجب بيا انا مردتش عليك ولا قولت وانا كمان فاعجابك بيا لوحده ميدلكش الحق انك تتحكم فيا ثانياً رامي مجرد صديق
نادر بغضب : رامي مش مجرد صديق رامي بيحبك
منه بصدمه وبكاء : اي ال انت بتقوله داه انت فعلا طلعت انسان معقد ولازم ابعد عنك زي ماهو حذرني منك
نادر بغضب : زي ماهو حذرك! امشي يامنه
منه سابته ومشيت وهي بتعيط وبتقول لنفسها
: كل مره يقرب مني هو وبعدين يقولي امشي
نادر قرر يرجع بيته تاني
منه نزلت ودخلت قاعة المحاضرات
قعدت ف مكانها جمب مريم
مريم بدهشه: اي ال ع بلوزتك داه