يلا اقلع هدومك وانا هشوفلك غيار صغير من بتوع زمان
اقلع الجلابيه دى ولا مكسوف من مايان؟ كل ده ومايان بتابع الموقف فى صمت على اخر الرواق وهى بتضحك
فارس __ لو انت مكسوف من مايان هخليها تمشى
زهره بفزع ____ لا مايان مش هتمشى خليها هنا، انا هدخل اغير هدومى
زهره بنبره طفوليه، مايان من فضلك خليكى هنا
مايان إلى مش فاهمه حاجه ومستغربه الموقف قالت حاضر يا….. استاذ… ؟
من داخل الحمام زهره ردت استاذ تيمور
فارس بضحك من على الكنبه، فيه واحد صعيدي اسمه تيمور؟ ثم اردف، واضح ان ماليان عجباك عشان كده جاوبت على سؤاله بس
اقتربت مايان من فارس، مين العيل الصغير العسول إلى انت جايبه ده!؟
فارس، دا كان مخطوف وانا ساعدته والظاهر مش عايز يرجع البيت فيه مشاكل ما بينه وبين والده
مد فارس ايده لمايان، نوالينى الهدوم اوصالهاله
خد فارس الهدوم ووقف على باب الحمام وخبط
زهره مين؟
انا فارس، افتح خد الهدوم
زهره بخوف ورعب، هدوم ايه، سيب الهدوم عندك على باب الحمام وانا هاخدها
فارس بلماضه، انت غريب اوى على فكره واتخلى الواحد يشك فيك
مش كفايه صوتك الناعم إلى عامل زى البنات الايت، لسه مكسوف تغير قدامى
زهره من داخل الباب من غير تفكير أدى الهدوم لمايان وانا هخدها منها
فارس الله، الله، انت جاى تقرطسنى فى بيتى كمان؟
زهره، بلخبطه اسف والله مكنش قصدى، اسف جدا وقعدت تعيط
فارس سمع صوت العياط داخل الحمام، قرب من باب الحمام
انت بتبكى؟
زهره، مش ببكى مفيش حاجه حصلت
فارس بتبكى وانا سمعتك