قمر بصدمه ودموع :اااااااييههه لااا انتي بتهزري صح…. باسل كويس هو قالي انه مش هيسبني
سميه:اهدي يا حببتي اهدي هو كويس دلوقتي والله
قمر:انا عايزه اخرج عايزه اشوفه يا ماما بالله عليكي
سميه :مش هينفع يا قمر وبعدين متنسيش في عسكري واقف برا
قمر بتحدي:هخرج يعني هخرج واللي يحصل يحصل
لابست هدومها بسرعه و لسه بتفتح الباب لقيته في وشها ومعه مروان سانده
بدون ذره تفكير حضنته بقوه وبقيت تعيط بهستريه
باسل شاور لمروان يمشي هو وسميه
باسل بابتسامه متعبه:قمر انا ماسك نفسي بالعافيه و بالطريقه دي هيغمي عليكي من كتر العياط و مش هقدر اشيلك
قمر بعدت وبصتله بدموع لكن صرخت لما شافت الدم على ايديها بصتله كان بينزف من ضهره
باسل :اهدي اهدي دا الجرح فك
قمر فضلت تعيط و هي بتسنده يدخل: كويس اننا في المستشفى
قمر بانهيار :مين عمل فيك كدا و ازاي انت خرجت ولسه جرحك ملمش
باسل بمرح عشان يخليها تهدي:عشان بنوتي الحلوه دي لو مكنتش جيت كانت هتعمل حاجه مجنونه و تخرج لوحدها
قمر بدموع :انا اسفه انا السبب
باسل : هههششش اسكتي وبطلي هبل… انا هكلم مروان يبعت دكتوره
بعد شويه.
الدكتوره بعصبيه:باسل بيه الحركه ممنوعه انا مش فاهمه ازاي المستشفي سمحت لك انك
تخرج اصلا
باسل :خلصتي اتفضلي