باسل :خالد القصاص؟؟؟!
مروان:اه هو المهم انك بخير و علي فكره خالد كان معايا خطوه بخطوه عشان نعرف مين القاتل
باسل :المهم دلوقتي لازم اخرج وبعدين نتكلم
مروان بزعيق :بااسل اهدي على نفسك في اي
باسل برفعه حاجب : هعديهالك بس ياله ساعدني عشان نمشي من هنا
مروان:استغفر الله العظيم انت عنيد اوي على فكره وبعدين مش هينفع الدكتور مش
هسمحلك بالخروج
باسل و هو بيفك المحلول:اللي في دماغي هعمله فتعالي ساعدني ولا اقولك امشي يا مروان كتك الارف
مروان:طب استني هجيبلك كرسي بعجل و هحاول اخرجك بدون ما حد ياخد باله…. من يوم ما عرفتك مشوفتش يوم عدل منك لله يا اخي
باسل :امشي ياض
بعد دقايق
مروان كان بيخرج ب باسل من المستشفى و بيحاول يتفدا الدكاتره
لحد ما وصل أدام العربيه
باسل اتألم جدا لكن مهتمش ومروان ساعده يركب في الكرسي اللي وراء
باسل :أنجز زود السرعه
مروان :باسل الجرح هيفك اسكت بقى انا اصلا غلطان اني وفقتك على الهبل دا
باسل :مين اللي وراء كل اللي حصل؟
مروان :هحكيلك بس مش دلوقتي هو نفس الشخص اللي حرق التلات مصانع عشان كدا مسلمتوش للنيابه لحد دلوقتي.. نصفي حسابنا معاه في الاول
عند قمر
قمر :ماما انا عايزه اخرج من هنا
سميه :هتروحي فين يا بنتي الدكتوره قالت يومين وتخرجي
قمر بعياط:انا ميهمنيش كلام الدكتوره انا عايزه باسل هو فين. انتم مخبين عليا اي
…. ماهو مش معقول يختفي فجأه كدا ارجوكي قوليلي هو كويس
سميه : بصراحه كدا مش كويس جوزك انضرب عليه نار من يومين وكان في المستشفي