اوضه عاديه… ربنا بيحبه بالرغم ان نبضه كان هيقف.. و ضغطه كان واطي لكن سبحان الله ليه باقيه في عمره…
حسين :يعني ابني دلوقتي كويس
الدكتور :ايوه حالته مش صعبه اوي الحمد لله هو بخير هننقله اوضه عاديه وبكرا الصبح ان شاء الله هيفوق بعد اذنكم
حسين:يارب خرجنا من المتاهه دي
مروان:عمي احنا كدا اطمن على باسل دلوقتي لازم نثبت براءه قمر الجارد جابوا البت اللي اسمها سيده دي وهي في المخزن و الواد اللي كان بيراقب الفيلا برده معايا…. انا دلوقتي هروح هناك ومش هرجع الا وانا معايا اعترف منهم ببراءه قمر
حسين:ربنا معاك يا ابني
في المخزن
بيدخل مروان وبيقلع جاكيت بدلته وبيرميها
على الأرض بلامباله وهو بيفك زراير قميصه
بيقعد على كرسي و ادامه سيده والواد اللي كان بيراقب الفيلا وباين ان الجارد مظبطينهم
مروان:باختصار وبدون لف و دوران كدا مين اللي وزوكم على العامله السؤده دي… ومين اللي قـtـل نيره رفعت
سيده بخوف:والله ما انا يا باشا انا كل اللي اعرفه ان في واحده ادتني فلوس و طلبت مني الضرب البت بتاع الحجز و اظبطها و اخليها تنزل ابنها… لكن لما بدأنا نضربها هي فقدت الوعي و كانت بتنزف
مروان:هي مين؟
سيده بقلق:نواره… نواره عثمان
مرران:نواره بنت عثمان اللي كان شغال سواق عند عمي حسين… جوز ام قمر
سيده:معرفش والله ما اعرف هي اسمها نواره… انا عرفتها عن طريق واحده كدا ولما كلمتني عرفت انها مغلوله من اللي اسمها قمر دي والله دا اللي حصل