الأدب بس
قمر بخوف و بتحاوط بطنها بترجع لورا وهما بيقربوا منها وبقوا يضربوها لكنها فقدت الوعي بسرعه بسبب خوفها ومكنتش بتتنفس و بدأت تنزف بشده و النبض بيوقف
الستات كلهم خافوا و في واحدة قامت بسرعه قعدت جانب قمر
:يخربيتكم البت بتموت
سيده بخوف :احنا لسه عملنا فيها حاجه
نادي على العسكري يا بت
العسكري فتح باب الحجز شاف قمر واقعه على الأرض و بتنزف خرج بسرعه
بعد مده
عربيه الإسعاف بتنقل قمر للمستشفى تبع الشرطه
عند باسل
باسل كان لسه بيفرغ الكاميرات هو مروان
مروان:انا تعبت بقالنا خمس ساعات ومفيش اي حاجه
باسل بتركيز:وانا مش هقوم من هنا الا لما القى اي دليل على براءه قمر…. قوم انت امشي لو عايز تمشي
مروان:انا معاك وبعدين انا كلمت ساره وهي هتبات مع والدتها اليومين دول
باسل مردش وهو بيقلب في اللاب توب
لكن فجأه وقف التشغيل الفيديو
مروان :في اي؟؟
باسل كان بيبص لحد واقف لكن حاطط كاب ومخبي وشه تقريبا
بدا يشوف كذا صوره تانيه كان نفس الشخص لكنه مخبي وشه من كل الكاميرات
باسل :مين دا؟؟؟؟
مروان: مين؟ لا مش عارفه بس شكله عارف مكان كل الكاميرات ومتجنبها والدليل كل الصور متاخده بزوايا
باسل : هو دا…. اكيد
مروان:وهنعرفه ازاي؟؟