حضره الظابط
الظابط:والله انا مصدقك يا باسل بيه انا عد عليا أشكال وألوان وبقدر اعرف البشر لكن مش هقدر اعملها حاجه غير أنها ممكن تفضل في مكتب عماد صحبي هو واخد اجازه لانه بيتجوز ممكن تفضل فيها لحد الصبح وبعد كدا نحقق معها
باسل حط وشه بين ايديه و بيحاول يفكر هو ناوي على اي
بعد مده
باسل وسميه وحسين رجعوا البيت وكل واحد فيه اللي يكفي انه يهزه وخصوصاً باسل اللي مقدرش يخرج حبيبته من موقف زي دا
دخل مكتبه وكلم مروان
باسل :عملت اي؟
مروان :للأسف مفيش جديد بس حصل
حاجه كدا مش عارف مهمه ولا لاء
باسل :اي
مروان:خالد القصاص نزل مصر قبل الحادثه بيوم واحد
باسل :خاااالد؟؟؟؟؟؟
مروان :ايوه وفي معلومه كمان…. مروان ونيره اتقبلوا من مده في شقه خالد القديمه
باسل بعصبيه وغضب:اصدك اي؟
مروان:معتقدش ان اللي بتفكر فيه صح نيره مقعدتش غير حوالي عشر دقايق ربع ساعه وبعد كدا نزلت….. إنما اتكلموا في اي الله اعلم…. وبعدها خالد
سافر لندن ورجع من يومين
. باسل وهو بياخد مفاتيح عربيته:تمام يا مروان عايزك تخلي بالك كويس
مروان بشك:ناوي ع اي؟
باسل قفل من غير ما يرد وخرج من البيت
وطلع على شركه خالد
اول ما وصل اتجه ناحيه المكتب
السكرتيره :في اي يا فندم مينفعش كده
خالد:أطلعي انتي
باسل راح ناحيته وضربه باللكمه في وشه
خالد زق باسل لكنه مسكه تاني وفضل
يضرب فيه وهو شايف قمر وشكلها
خالد زقه وضربه بالبوكس