كان واقف في اوضته مع نيره
كانت مرميه على الأرض و السكينه مطعونه فيها
قعد على ركبته وهو بيبص لها بحزن جايز كانت انانيه طماعه لكن مكنتش تستحق القتل
الظابط:متلمسش اي حاجه عشان البصمات
باسل :ممكن افهم ليه بتقول ان قمر مراتي هي اللي قتلت نيره
الظابط: كل الادله هتبان في النيابه وخصوصا بعد البصمات وتفريغ الكاميرات
باسل :لو سمحت انا مراتي حامل وحالتها صعبه لو سبتها تمشي معاكم هبقي بكتب عليها المو”ت هي وابني….. انا بس عايزك تديني مهله وانا بنفسي هعرفك مين القاتل الحقيقي
الظابط:يافندم دي قضيه قـtـل مش سرقه
او نصب للأسف مينفعش مدام حضرتك
هتيجي معانا وهنبقي نحقق معها وهتتعرض على النيابه ولو الادله دي اتثبت انها صحيح هتوصل للمحكمه…. وياريت تشوفها محامي شاطر لان في ادله كتير ضدها
في اوضه باسل وقمر
باسل كان قاعد جانب قمر وهدومها عليها دـm والدموع في عنيها
بدأت تفوق وهي حاسه بوجع
باسل :انتي كويسه دلوقتي؟
قمر:باسل صدقتي انا معملتش كدا….
انت مشيت وانا دخلت لكن استغربت الهدوء دا فروحت اشوف نيره الباب كان مفتوح ولما دخلت لقيتها كدا صدقني مقتلتهاش
باسل :ههههشششش انا مصدقك ومتاكد انك بريئه متخافيش اوعدك هتخرجي منها….. واثقه فيا وفي حبي ليكي
قمر بدموع:واثقه فيك…. هههههه واثقه دي كلمه قليله على اللي بحسه معاك
باسل :يبقى خليكي واثقه اني مش هسيبك انتي وابننا عشان عمري ما هتخلي عنكم
بس دلوقتي قومي خدي دش وغيري الهدوم دي عشان هتروحي معاهم
قمر:انا مقتلتهاش
باسل :متخافيش يا روح قلبي اوعدك هتخرجي على طول
قمر بصتله بدموع لكن نظراته كانت بطمنها
باسل حضنها و هو بيرتب على شعرها بحنان
بعد حوالي ساعه
في قسم البوليس